सशक्त वालिका परियोजनाको पालिका स्तरीय अनुगमन सम्पन्न

9 महीना पहिले प्रकाशित

Smrititimes

जनकपुरधाम
असोज ११ गते
बालबालिकाहरुको उचित पालनपोषण तथा उत्तरदायि स्याहार र पुर्ण क्षमतालाई बलियो बनाउने उद्देश्यले धनुषा जिल्लाको बिदेह नगरपालिका तथा जनकनन्दिनी गाउँपालिकामा संतालित सशक्त वालिका परियोजनाको अनुगमन सम्पन्न भएको छ । प्लान इन्टरनेसनल नेपालको सहयोगमा सामाजिक बिकास र अनुसन्धान केन्द्रको आयोजनामा जनकनन्दिनी गाउँपालिकाको समन्वयमा सो पालिकाको वडा नं. ३ र ४ मा संचालित वास(सरसफाई) सम्बन्धी कामको अनुगमन गरिएको छ ।

परियोजनाको फिल्ड सुपरभाइजर विजय साहको सक्रियतामा वडा नं. ३ र ४ मा खानेपानी स्वच्छता तथा सरसफाई सम्बन्धि भएको कामहरुको अनुगमन संस्थाका अध्यक्ष मन्जु कुमारी यादवको अगुवाईमा भएको थियो । त्यस्तै विदेह नगरपालिका वडा नं. ३ र ९ मा समेत खानेपानी स्वच्छता तथा सरसफाई सम्बन्धि अनुगमन गरिएको छ । परियोजनाका फिल्ड सुपरभाइजर दिव्या झाको सक्रियतामा वडा नं. ३ चिकनामा भएको कामको अनुगमन गरिएको थियो । अनुगमनका क्रममा टोल वास सिसि अन्तरगत रहेका घरहरुमा शौचालयको अवस्था लगायतका सरसफाई समबन्धि अन्य सुचकहरुका बारेमा अनुगमन गरिएको थियो ।

त्यस्तै विदेह नगरपालिका वडा नं. ५ मुरिवामा प्लान इन्टरनेशनल नेपालको आर्थिक तथा भौतिक सहयोगमा तथा सामाजिक विकास र अनुसन्धान केन्द्रको साझोदारीमा सशक्त वालिका परियोजना अन्तरगत संचालित लालिगुराँस अभिभावक शिक्षा समुहमा भईरहेका कामका बारेमा केन्द्रका पदाधिकारीहरुले अनुगमन गरेका छन् । अनुगमनका क्रममा सहभागी अभिभावक महिलाहरुले यो परियोजनाबाट आफुहरुमा पोषण र सरसफाई सम्बन्धि बुझाईमा स्पष्टता आएको बताए ।

समुहमा सहभागी विदेह ५ मुरिवाकी राधा पासमानले यो परियोजनाबाट सुनौलो हजार दिनका बारेमा जानकारी पाई बालबालिकाहरुलाई आफ्नै करेसाबारीमा उत्पादित तरकारी तथा अन्नबालीबाट पोषिलो आहार बनाउन सिकेको बताईन । परियोजनाको फिल्ड सुपरभाईजर जिबछ दासको सक्रियतामा सो वडामा भईरहेको कामको बारेमा अनुगमन गरिएको थियो । जन्म देखि नै बालबालिकाहरुको विकासका लागि पोषिलो खाना,सरसफाईमा ध्यान दिन विभिन्न तरिकाहरुका बारेमा सहभागीहरुलाई जानकारी गराइएको फिल्ड सुपरभाइजर दासले जानकारी दिनुभयो ।

सो अनुगमनमा सामाजिक विकास र अनुसन्धान केन्द्रका अध्यक्ष मन्जु कुमारी यादव, सचिव सोनफी साह, कोषाध्यक्ष रामबाबु साह, सदस्यहरु सुदिना झा, सुनिता यादव , प्लान इन्टरनेशनल नेपालका प्रतिनिधि दिपक राजबंशी, केन्द्रका कार्यक्रम संयोजक बिनिता कुमारी यादव लागयतको सहभागिता रहेको थियो ।