बैदहीका बालबालिकाहरुको बृद्धि अनुगमन तथा लेखाजोखा कार्यक्रम सम्पन्न

11 महीना पहिले प्रकाशित

Smrititimes

जनकपुरधाम
माघ १० गते ।
धनुषा जिल्लाको विदेह नगरपालिका वडा नं. ९ बैदहीको वालवालिकाहरुको स्वास्थ्य तथा बृद्धिका विषयमा अनुगमन तथा लेखाजोखा गरिएको छ । । प्लान इन्टरनेसन नेपालको आर्थिक सहयोग तथा सामाजिक विकास र अनुसन्धान केन्द्रको साझेदारी विदेह नगुपालिकाको समन्वयमा संचालित सशक्त बालिका परियोजना अन्तरगत सो वडामा रहेका ६ महिना देखि ५ वर्ष सम्मका ३ सय २५ जना बालबालिकाहरुको पोषणको अवस्थाको बारेमा जानकारी लिन उनिहरुको तौल र उचाईको नाप लिई पाखुराको नाप लिई स्वास्थ्य अवस्था मापन गरिएको इटहर्वा स्वास्थ्यचोकीका सिनियर अहेव रामस्वार्थ यादवले जानकारी दिनुभयो ।

उहाँका अनुसार नापको आधारमा तीन भागमा छुट्याइएको छ । हरियो संकेतमा गएस्का बालबालिकाको स्वासथ्य अवस्था राम्रो, पहेलो संकेतमा गएका बालबालिकाको हकमा पौष्टिक खानाको मात्रा बढाउनु् पर्ने तथा रातो संकेतमा गएका बालबालिकाहरु कुपोषित बालबालिकाहरुको लागि नगरपालिका द्वारा दिइएने पोषणको औषधी उपलब्ध गराइने जानकारी दिनुभयो । सो वडामा रहेको अधिकांश दलित बालबालिकाहरुको बृद्धि अनुगमनका तथा लेखा जोखाको क्रममा सरसफाईमा आभाव र पोषणको विशेष स्याहारको आवश्यक्ता रहेको उहाँले बताउनु भयो ।

माघ ७ गते देखि १० गते सम्म भएको सो अनुगमनमा वडा नं. ९ का ६ महिना देखि ५ वर्ष सम्मका बालबालिकाहरुको बृद्धि अनुगमन तथा लेखाजोखामा सो पालिकाका स्वास्थ्य शाखा प्रमुख दानी ठाकुरको विशेष उपस्थितीमा ईटहर्वा स्वास्थ्य चौकीका सिनियर अहेव अनिल कुमार यादव,अमिबका कुमारी साह, महिला स्वास्थ्य स्वयंसेविकाहरु ऋनिता कर्ण। आफुन खातुन, संजिला राय, पुनम मण्डल,रिंकी सिँह,मंजु देवी मंडल, मन्जुला खातुन, नुतन झा रन्जना पाण्डे लागयतकाले बालबालिकाहरुको बृद्धि जाँच गर्नुभएको सामाजिक विकास अनुसानधान केन्द्रका सामाजिक परिचालक काजल यादवले जानकारी दिनुभयो ।