जनकनन्दिनीका विद्यार्थीले पाए वित्तिय साक्षरता सम्बन्धि तालिम

9 महीना पहिले प्रकाशित

Smrititimes

जनकपुरधाम
असार ३१ गते ।
विद्यालयमा पढ्ने बेला देखि नै आम्दनीको स्रोतहरुको बारेमा जानकारी पाउन जनकनन्दिनी गाउँपालिकाका ३२ जना विद्यार्थीहरुलाई दुई दिने वित्तिय साक्षरता सम्बन्धि तालिम प्रदान गरिएको छ । एभरेष्ट बैँक लिमिटेडको आर्थिक सहयोगमा सामुदायिक परिवार कल्याण संघ(सीएफडब्लुए)को संयोजन तथा फाइनान्स फ्रेण्ड प्रा.लि.को आयोजनामा दुई दिने वित्तिय सक्षरता तालिम खजुरीमा सम्पन्न भएको छ । सो तालिममा सहभागी विद्यार्थीहरुलाई सानै देखि बचत गर्ने तथा चक्रिय व्याचको बारेमा जानकारी गराइएको सीएफडब्लुएका कार्यकारी निर्देशक लक्षमेश्वर मंडलले जानकारी दिनुभयो । सहभागी विद्यार्थीहरुलाई आम्दनीका स्रोतहरुको पहिचान,लक्ष्य निर्धारण, बचत गर्ने वानी,बजेट बनाउने तरिका र जिम्मेबार बैँँकिङ व्यवहारका बारेमा जानकारी गराइएको थियो ।

साथै विद्यार्थीहरुलाई अहिले देखि नै आम्दनीका स्रोतहरु खोजी अनिवार्य बचत गरी लगानी बढाउने विषयमा तालिम प्रदान गरिएको थियो । सहभागीहरुलाई दुई दिन सम्म फाइनान्स फ्रेन्ड प्रा.लि.का संस्थापक तथा कार्यकारी निर्देशक रमेश प्रशाद जोशी तथा निर्देशक बिनय दिल लामाले प्रशिक्षण दिनुभएको थियो । अधिकांश छात्राहरु सहभागी भएका उक्त तालिममा सहभागीहरुलाई नयाँ विषयमा तालिम प्रदान गरी अर्थका बारेमा सानै देखि जानकारी पाए पछि वित्तिय जानकारीले भविश्यमा काम लाग्ने निर्देशक लामाले जानकारी दिनुभयो ।

यो तालिममा सहभागी भएकाहरुलाई पछि स्थानीय तह संगको समन्वयमा उनिहरुलाई पछि व्यवसायीक तथा वित्तिय व्यवसायलाई अगाडी बढाई स्वरोजगार बनाउन सघाउने बताउनु भयो । अन्य प्रदेशमा रहेका विभिनन समुदायलाई वित्तिय साक्षरता सम्बन्धि तालिम दिई आर्थिक विकासमा सहयोग पुर्याएको जानकारी दिदै लामाले धनुषाको अन्य पालिकमा समेत यस्ता तालिम संचालन गर्न सक्ने बताउनु भयो ।

पालिकाको समन्वयमा वित्तिय साक्षरता समबन्धी तालिम पछि पर्यटन विकासका क्षेत्रमा तालिममा सहभागीहरुलाई लगाउने योजना रहेको बताउनु भयो । तालिममा संस्थाका मधेशप्रदेश संयोजक विवेक रिमालको समेत सहभागीता रहेको थियो । यो तालिममा सहभागी भएपछि आफुहरुमा सानै देखि बचत र लगानी गर्ने, लगानी गर्दा चक्रिय व्याजको प्रयोग गर्ने लगायतका विषयमा राम्ररी जानकारी पाएको सहभागी चन्चल मंण्डलले बताइएन ।

यस्ता तालिममा सहभागी भएपछि आत्म विस्वास बढनुका साथै पैसाको बारेमा जानकारी पाई सानै देखिको लगानीले भविश्यमा आर्थिक उन्नती गर्न सहयोग पुग्ने तालिममा सहभागी अर्का छात्र अजित पण्डितले बताए । सो तालिमको उद्घाटन सत्रमा सहभागी हुनुभएका जनकनन्दिनी गाउँपालिकाका उपप्रमुख कमला सहगलले यस्ता तालिमले विद्यार्थीहरुका साथै देखि वित्तिय व्यवस्थापन समन्धमा ज्ञानको विकास भई आर्थिक व्यवस्थापनमा सहयोग पुग्ने बताउनु भयो । भविश्यमा पालिकाले उनिहरुको लागि थप कार्यक्रम ल्याउन उहाँले आश्वासन समेत दिनुभएको थियो ।