बहुअर्वाको सल्हेश टोल विकास संस्थाद्वारा सरसफाई

7 महीना पहिले प्रकाशित

Smrititimes

जनकपुरधाम
कार्तिक २ गते ।
सयौँ जनाको सहभागितामा धनुषा जिल्लाको धनौजी गाउँपालिका वडा नं.५ बहुअर्वामा आइतबार सरसफाई कार्यक्रम सम्पन्न भएको छ । सल्हेश टोल विकास संस्थाका पदाधिकारी तथा स्थानीयबासीको सहयोगमा सरसफाई भएको संस्थाका अध्यक्ष शिवश.कर राउतले जानकारी दिनुभयो । दिपावली तथा छठ पर्वको अवसरमा टोल सफाई अभियान अन्तरगत वडाध्यक्ष याकुव कवाडीको उपस्थितीमा भएको सरसफाई कार्यक्रममा सय भन्दा बढी महिला पुरुषहरुको सहभागिता रहेको थियो ।

सपोर्ट नेपालको आयोजना तथा कुर्वे उस्ट्रोको सहयोगमा संचालित शसक्तिकरण परियोजना अन्तरगत बहुअर्वामा गठन भएको सलहेश टोल विकास संस्थाले सामाजिक क्षेत्रमा गर्ने कार्यहरुको थालनी स्वरुप नियमित रुपमा सरसफाई कार्यक्रम सुरु गरेको सपोर्ट नेपालका धनुषाका कार्यक्रम संयोजक शत्रुघन महतोले जानकारी दिनुभयो ।

वडासदस्य परमशिला देवी राउत आफु पनि सहभागी भई टोलका विभिन्न स्थानमा सहसफाई गरी यसलाई अब नियमित रुपमा अभियानका रुपमा संचालन गर्ने बताउनु भयो । उक्त सरसफाईमा सहभागी सपोर्ट नेपालका महोत्तरी संयोजक प्रकाश ठाकुरका अनुसार पासमान टोलबाट सूरु भएको अभियान ब्रह्म:थान हुदै टोलको विभिन्न स्थानमा सफाई गरेका थिए । दिपावलीको अवसरमा भएको सरसफाईले स्थानीयमा खुशीको माहोल थियो । अगामी दिनमा सो गाउँमा थप टोलविकास संस्था गठन गरी सामाजिक क्षेत्रमा काम बढाइएने आयोजक संस्थाले जनाएको छ ।