स्वास्थ्य निर्देशनालय सपहीके तीन दिनमा वार्षिक समिक्षा गोष्ठी जनकपुरमे जारी

47 मिनट पहिले प्रकाशित

Smrititimes

ज्नकपुरधाम
अगहन ५ गते ।

स्वास्थ्य निर्देशनालय सपहीके आर्थिक वर्ष २०८१ –८२ मे सम्पादित स्वास्थ्य कार्यक्रमके प्रदेश स्तरीय वार्षिक समिक्षा गोष्ठी जनकपुरमे जारी रहल अछि । तनि दिन धरि होबबला ओ गोष्ठीके उद्घाटन सत्रके सम्बोधन करैत मधेश प्रदेशक मुख्यमन्त्री सरोज कुमार यादव कहलथिन जे स्वास्थ्य क्षेत्रक सूचकांक सुधारय लेल स्वास्थ्यकर्मीसभक आओर बेसी इमानदारीसँ काज करब जरूरी अछि।
मधेश प्रदेशक स्वास्थ्य निर्देशनालयक आयोजनामें जनकपुरधाममें प्रारंभ भेल वार्षिक समीक्षा कार्यक्रमक उद्घाटन करैत हुनका कहलनि जे खाद्यान्न उत्पादन आ खाद्य सुरक्षाक दृष्टिकोणसँ मधेश प्रदेश सुरक्षित छै, मुदा एहे प्रदेशमे ५ वर्षसँ कम उमेरक बाल–बालिकाक अधिक कुपोषित होइब दुखद बात अछि।

मुख्यमन्त्री यादव कहलथिन जे स्वास्थ्य क्षेत्रमे सुधार मात्र भौतिक पूर्वाधारक निर्माणसँ सम्भव नहि। ओ कहलथिन जे निर्माणसम्बंधी साना योजनाक बजट कटौती करिकय सेहो स्वास्थ्य सूचकांक सुधारय लेल जे जरूरी काज छी, ओहि पर विशेष ध्यान देबाक आवश्यकता अछि। हुनका कहलनि जे जेन्जी (न्भल श्) पीढ़ीक आन्दोलनक संग–संग सभ क्षेत्रमे सुधारक जरूरत अछि, त जभबतिज क्षेत्रमे सेहो परिवर्तन अनिवार्य अछि।

मधेश प्रदेशक स्वास्थ्य सचिव डा. ओम प्रसाद अर्याल कहलथिन जे मधेश प्रदेशक समग्र स्वास्थ्य क्षेत्रमे आवश्यक सुधार लेल रणनीति बनयमे एहि प्रकारक कार्यक्रम बहुत महत्वपूर्ण होइत अछि।
प्रदेशक स्वास्थ्य निर्देशक डा. सरोजचन्द्र न्यौपाने कहलथिन जे शीतलहरसँ आम नागरिककेँ बचाबय लेल सजगता अपनाब जरूरी अछि।

संयुक्त राष्ट्र संघीय जनसंख्या कोषक मधेश प्रदेशक प्रमुख डा. नरेन्द्र कुमार मिश्र कहलथिन जे मधेश प्रदेश खाद्यान्नक दृष्टिकोणसँ समुन्नत छला, मुदा एहे प्रदेशमे बहुत बाल–बालिका कुपोषित रहब आ गर्भवती महिलामे रक्त–अल्पता अधिक होइब चिन्ताक विषय अछि।

तीन दिन धरि चलयवाला एहि वार्षिक समीक्षामे मधेश प्रदेशमे अवस्थित मधेश स्वास्थ्य विज्ञान प्रतिष्ठानअन्तर्गत प्रादेशिक अस्पताल, शिक्षण कालेज, स्वास्थ्य कार्यालय, आयुर्वेदक जिला–स्तरीय कार्यालय तथा निजी क्षेत्रक स्वास्थ्य संस्थासभक प्रमुख आ प्रतिनिधिसभक सहभागितामे मधेश प्रदेशक स्वास्थ्य क्षेत्रक समग्र सुधारक विषय पर चर्चा आ बहस हैत।