मधेश प्रदेशक मुख्यमन्त्री यादवक द्वारा पद सँ इस्तीफा

5 महीना पहिले प्रकाशित

Smrititimes

अगहन १७ गते
जनकपुरधाम । मधेश प्रदेशक मुख्यमन्त्री सरोज कुमार यादव मुख्यमन्त्री पद सँ इस्तीफा दऽ देलथि । मधेश प्रदेश सभाक बैठकमे विश्वासमत लेबाक सम्बन्धमे प्रस्ताव पेश करैत समये रोष्टरम सँ आजुक तारीख सँ लागू होएत तरहें हुनका इस्तीफाक घोषणा केलन्हि ।

बहुमतक लेल ५४ जना प्रदेशसभा सदस्यक समर्थन जरूरी रहलाक कारण मुख्यमन्त्रीक पक्षमे नेकपा एमालेक २४ जना, नेपाल संघीय समाजवादी आ राष्ट्रीय प्रजातन्त्र पार्टीक १–१ मिलाक कुल २६ जना सदस्य मात्र समर्थन देलथि, आ बहुमत आएबऽक स्थिति नदेखिकय हुनका इस्तीफा दएबाक घोषणा करऽ पड़ल ।

मुख्यमन्त्री यादवक सम्बोधन चलैत समय सातोटे बाकी दल उठिकय प्रदेश सभाक बैठकक बहिष्कार कए देलथि ।

तत्कालीन मुख्यमन्त्री जितेन्द्र प्रसाद सोनार (सोनल) २२ कात्तिकक दिन विश्वासमत लेबाक क्रममे मत नआएबाक स्थिति देखिकय इस्तीफा देलथि, जकर बाद तत्कालीन प्रदेश प्रमुख सुमित्रा सुवेदी भण्डारी नेपालक संविधानक धारा १६८क उपधारा ३ अनुसार सरोज कुमार यादवक मुख्यमन्त्रीमे नियुक्त केलनि । भण्डारीक द्वारा कात्तिक २४ गते महोत्तरीक बर्दिबास स्थित एकटा रिसोर्टमे हुनका शपथ ग्रहण कराओल गेल ।

एकर पूर्वे, विश्वासमत लेबाक लेल सम्बोधन करैत मुख्यमन्त्री यादव २२ दिनक अवधिमे सरकारक निर्णय आ अपन संघर्षक विषयमे जानकारी देलथि ।