प्राइम कमर्सियल बैंकको सहकार्यमा जनकपुरधाम बजार क्षेत्रमा गमला वितरण

2 घन्टा पहिले प्रकाशित

Smrititimes

जनकपुरधाम
माघ ११ गते ।
जनकपुरधाम नगरक्षेत्रमा पसलहरुको अगाडी विरुवा लगाउने काम आइतबार देखि सुरु भएको छ । जनकपुरधाम उद्योग वाणिज्य संघको पहलमा जनकपुरधाम उप–महानगरपालिका, रेडिमेड व्यवसायी संघ तथा प्राइम कमर्सियल बैंकको सहकार्यमा बजार क्षेत्रलाई स्वच्छ, सफा र हराभरा बनाउने उद्देश्यसहित बिरुवा सहितका गमलाहरू वितरण गरिएको छ ।
जनक चौक–जानकी चौक–राजदेवी मन्दिर क्षेत्रलाई केन्द्रित गर्दै गरिएको उक्त कार्यक्रमबाट बजार क्षेत्रलाई सुन्दर र आकर्षक बनाउने लक्ष्य लिइएको जनकपुरधाम उद्योगा वाणिज्य संघका अध्यक्ष सुरेन्द्र भण्डारीले जानकारी दिनुभयो ।

उहाँका अनुसार तत्काल जानकी मन्दिर, राजदेवी मन्दिर तथा जनक चोक क्षेत्रमा गमला वितरण गरिएपनि अन्य बजार क्षेत्रमा अर्को चरणमा बिरुवा सहित गमला वितरण गरिनेछ । यस अभियानले वातावरण संरक्षणसँगै व्यापारिक क्षेत्रको सौन्दर्य अभिवृद्धि हुने विश्वास लिइएको छ ।

सामाजिक उत्तरदायित्वलाई ध्यानमा राखेर प्राइम कमर्सियल बैँक जनकपुरधामको सहकार्यमा वितरण गरिएका ति विरुवाहरु केहि समय देखि जनकपुरधाम उद्योग वाणिज्य संघको कार्यालयमा नै राखिएको थियो । अगामी दिनमा समेत यस्ता सामाजिक क्षेत्रमा बैँकले काम गर्ने जनाइएको छ । कार्यक्रममा स्थानीय व्यापारी, संघ–संस्था तथा सरोकारवालाहरूको सक्रिय सहभागिता रहेको थियो ।