जनकपुरधाम
माघ ११ । राष्ट्रिय सभा निर्वाचनमे मधेश प्रदेशमे ३४१ गोटे मतदान केने छथि। चार राष्ट्रिय सभा सदस्य पद लेल आइतबार भेल मतदानमे १ गोटे प्रदेश सभा सदस्य आ २२ गोटे स्थानीय तहक प्रमुख तथा उपप्रमुख अनुपस्थित रहलाह। निर्वाचन कार्यालयक अनुसार नेपाल संघीय समाजवादी पार्टीक विमला अन्सारी मात्र प्रदेश सभा सदस्यतर्फ सँ अनुपस्थित रहल छथि।

स्थानीय तहतर्फ २४२ जन मतदान केने छथि। स्थानीय तहमे कुल २६४ मतदाता रहलाक बावजूद २२ जन अनुपस्थित रहलाह।
दुनू तर्फ सँ जोडि़ कऽ कुल ३४१ जन मतदान केलक अछि। मधेश प्रदेशमे राष्ट्रिय सभा निर्वाचन लेल कुल ३६४ मतदाता रहलाह।

जनकपुरधामक महेन्द्रनारायण निधि मिथिला सांस्कृतिक केन्द्रमे भोर १० बजेसँ दिनक ३ बजे धरि मतदान सम्पन्न भेल । चारि सिटक लेल ११ गोटे उम्मेदवार चुनावी मैदानमे रहल छथि।

मधेश प्रदेशमे हाल १०४ गोटे प्रदेश सभा सदस्य रहलामे सँ ४ गोटे प्रतिनिधि सभा सदस्य पद लेल उम्मेदवारी देलाक कारण प्रदेश सभा सदस्यक संख्या १०० कायम अछि। एहिमे सँ ९९ जन मतदान केने छथि। प्रदेश आ स्थानीय तह सँ कूल ३६४ मतदाता मधे सँ २३ जन अनुपस्थित रहलाह आ ३४१ जन मतदान केने छथि।

अनुपस्थित रहल स्थानीय तहक प्रमुख तथा उपप्रमुखमे जनकपुरधाम उपमहानगरपालिकाक प्रमुख मनोज कुमार साह, गौर नगरपालिकाक प्रमुख शम्भु साह, उपप्रमुख शैल कुमारी साह, रौतहटक कटहरीया नगरपालिकाक प्रमुख अजय प्रकाश, फतुवा विजयपुर नगरपालिकाक उपप्रमुख अमवेया खातुन रहल छथि।

एहिना बाराक फेटा नगरपालिकाक उपप्रमुख निलम साह, महोत्तरीक औरही गाउँपालिकाक प्रमुख प्रदीप कुमार खड्का, पर्साक छिपहरमाई गाउँपालिकाक अध्यक्ष मनोज कुमार, महोत्तरीक मनरा शिशवा नगरपालिकाक प्रमुख मोहन पाण्डे, धनुषाक नगराइन नगरपालिकाक उपप्रमुख राधा देवी यादव, सर्लाहीक बलरा नगरपालिकाक प्रमुख रामशंकर प्रसाद कुशवाहा, लहान नगरपालिकाक उपप्रमुख रामचरित्र महतो अनुपस्थित रहलाह।

राष्ट्रीय सभा सदस्य चुनावमे अनुपस्थित रहल अन्य स्थानीय तहक पदाधिकारीमे बाराक फेटा नगरपालिकाक उपप्रमुख रुस्तम अन्सारी, महोत्तरीक गौशाला नगरपालिकाक उपप्रमुख रेणु कुमारी महतो, पर्साक बहुदरमाई नगरपालिकाक प्रमुख सिहासन साह तेली शामिल छथि।

राष्ट्रीय सभा सदस्य चुनावमे प्रदेश सभा सदस्यक मतभार ५३ आ स्थानीय तहक प्रमुख तथा उपप्रमुखक मतभार १९ रहल अछि।

कमेन्ट गर्नुहोस्

12 comments

Leave Us A Comment

Search