‘धनुषा ३ मे आब टेस्टेड आ स्टन्टबाज नहि, जनताक सुख–दुःखमे सदैव साथ देनिहार डा. राजीव झा केँ जितेनाइ समयक माँग अछि’ ः उम्मेदवार झा

2 महीना पहिले प्रकाशित

Smrititimes

जनकपुरधाम, माघ २५ । प्रतिनिधिसभा चुनाव नजदीक आबैत रहल अछि आ एहिकेँ संगहि धनुषा ३ क हरेक चौक–चौराहा, चाय दोकान, सभ ठाम एक्के चर्चा गूँजि रहल अछि—एहि बेर ककरा जितायब?
ई चुनाव साधारण नहि, बल्कि धनुषा ३ क भविष्य तय करनिहार विशेष चुनाव अछि ।

मधेश प्रदेशक राजधानी जनकपुरधाम जे धनुषा निर्वाचन क्षेत्र नं. ३ अंतर्गत पड़ैत अछि, ओतए देशक नमहर पार्टी आ चर्चित नेता सभ चुनावी मैदानमे उतरने छथि । नेपाली कांग्रेस, एमाले, रास्वपा, जसपा नेपाल, स्वतन्त्र उम्मेदवार सभ अपन–अपन दावेदारी पेश कए रहल छथि ।

एहि बीच राष्ट्रिय मुक्ति पार्टी नेपाल क केन्द्रीय उपाध्यक्ष, समाजसेवाक पर्याय बनि चुकल डा. राजीव झा सेहो जनताक समर्थन सँ चुनावी मैदानमे डटल छथि । रामुपा, नागरिक उन्मुक्ति पार्टी आ अशोक राई नेतृत्वक जसपाक संयुक्त उम्मेदवार डा. झा जाँतो चुनाव चिन्ह सहित जनताक भरोसाक प्रतीक बनि उभरने छथि ।

डा. राजीव झा धनुषा ३ क लेल कोनो नव नाम नहि छथि । ओ एतए समाजसेवी, जनसेवक आ गरीब–दुखियाक सच्चा साथी क रूपमे चिन्हल जाइत छथि । हजारों गरीब, असहाय आ विपन्न नागरिकक जीवनमे आशा आ राहत पहुँचेनिहार डा. झा आज राजनीति मे सेहो जनताक भरोसाक केन्द्र बनैत जा रहल छथि ।

जनकपुरधाममे स्थापित ‘क्लोथ बैंक’ हुनकर निःस्वार्थ सामाजिक सेवाक जीअंत उदाहरण अछि । एहि माध्यम सँ आब धरि १० हजार सँ बेसी गरीब, असहाय, विपन्न आ घरविहीन नागरिककेँ निःशुल्क कपड़ा उपलब्ध कराओल गेल अछि ।

जाड़ा, गर्मी वा बरसात—कोनो मौसम हो, केओ कपड़ाक अभावमे कष्ट न भोगय, एहि मानवतावादी उद्देश्य सँ शुरू कएल गेल अभियान आज सम्पूर्ण मधेश लेल प्रेरणाक स्रोत बनि गेल अछि ।

क्लोथ बैंक मात्रे नहि, बाढÞि, आगलागी, शीतलहर जेकाँ प्राकृतिक विपदाक समयमे डा. राजीव झा स्वयं पीडÞित क्षेत्रमे पहुँचि राहत सामग्री वितरण करैत रहल छथि । पीडÞितक दुःख–पीड़ा नजदीक सँ बुझि तुरन्त सहयोग करनाइ हुनकर पहचान बनि गेल अछि ।

जनकपुरधाममे पहिल बेर व्यवस्थित रूप सँ कपड़ा बैंक स्थापना करबाक श्रेय सेहो डा. झा केँ जाइत अछि । लत्ता–कपड़ा, औषधि आ आवश्यक सामग्रीक व्यवस्थापन कए ओ साबित कएने छथि जे सेवा पद सँ नहि, भावना सँ होइत अछि ।

ग्राण्ड जिरो सहित धनुषा ३ मे मजबूत जनाधार रहल कारण डा. झा केँ अपन परिचय देबाक जरूरत नहि अछि । स्थानीय मतदाता सभ खुलि कए कहैत छथि—
“हम सभ विगतमे बहुत टेस्टेड नेता केँ जितौने छी, मुदा क्षेत्रक हालत जेकाँ छल, ओहने रहल । स्टन्टबाज नेता संसदमे तऽ गेल, मुदा धनुषा ३ लेल कोनो ठोस काज नहि भेल ।”