रामुपा छोडÞि डा. राजिव झा रास्वपा मे प्रवेश, मनिष झाक समर्थन मे जुटलाह

3 महीना पहिले प्रकाशित

Smrititimes

माघ २८ गते
जनकपुरधाम । राजेन्द्र महतो नेतृत्ववाली राष्ट्रिय मुक्ति पार्टी (रामुपा) क तर्फ सँ धनुषा निर्वाचन क्षेत्र नं. ३ क उम्मीदवार डा. राजिव झा आइ राष्ट्रिय स्वतन्त्र पार्टी (रास्वपा) मे प्रवेश कयलनि अछि । राष्ट्रिय मुक्ति पार्टी क केन्द्रीय उपाध्यक्ष रहल डा. झाके जनकपुरधाम उद्योग वाणिज्य संघ क सभाहल मे आयोजित कार्यक्रम मे पार्टी प्रवेश कराओल गेल ।

राष्ट्रिय स्वतन्त्र पार्टी क उम्मीदवार मनिष झा खादा ओढ़ा क डा. झा आ हुनकासँ संग पार्टी प्रवेश कयल नेता–कार्यकर्ता सभके स्वागत कयलनि ।

डा. राजिव झाले कहलनि जे मधेश क छोरा बालेनके प्रधानमंत्री बनावे क उद्देश्य सँ ओ राष्ट्रीय स्वतन्त्र पार्टी मे प्रवेश कयलनि अछि । हुनकर अनुसार, नेपाल क इतिहास मे पहिल बेर मधेशी मूल क प्रधानमंत्री बने क ऐतिहासिक अवसर आब सामने अछि । ई केवल एक व्यक्ति क जीत नहि, बल्कि समग्र मधेश आ सीमान्तकृत समुदाय क सम्मान क विषय अछि । एहन ऐतिहासिक क्षण मे राष्ट्रिय मुक्ति पार्टी मे रहिते पूरा रूपे अभियान मे सहयोग करब तकनीकी आ नैतिक रूप सँ कठिन भ रहल छल, एहि कारणे ओ ई निर्णय लेलनि । हुनकर कहब छल जे हुनकर ई निर्णय राष्ट्र, युवा पुस्ता क भावना आ समावेशी नेपाल क भविष्य लेल अछि ।

पार्टी प्रवेश सँ पहिने डा. झा केन्द्रीय अध्यक्ष रवि लामिछाने आ प्रधानमंत्री क उम्मीदवार बालेन शाह सँ सेहो बातचीत कयलनि । ओ कहलनि जे जनता क भावना के रोकल नहि जा सकैत अछि, जनता जे चाहैत अछि से बुझिके ओ राष्ट्रीय स्वतन्त्र पार्टी मे प्रवेश कयलनि अछि ।

डा. झा सामाजिक क्षेत्र मे सक्रिय अग्रणी व्यक्ति क रूप मे चिन्हायल जाइत छथि । ओ क्लोथ बैंक क माध्यम सँ निःशुल्क कपड़ा वितरण, गरीब सभके खाद्यान्न सहायता, बालबालिका सभके पढ़ाई मे सहयोग आ विवाह अवसर पर सेहो सहयोग करैत रहल छथि । डा. झा नेपाल–भारत खुल्ला सीमा संवाद समूह क केन्द्रीय अध्यक्ष सेहो छथि ।

धनुषा क्षेत्र नं. ३ क उम्मीदवार मनिष झाले कहलनि जे मधेश आन्दोलन आ सामाजिक कार्य सँ पहिचान बनौने व्यक्ति क पार्टी मे आबै सँ चुनाव मे मजबूती भेटत । देश परिवर्तन क खोज मे रहल जनता घण्टी चिन्ह क उम्मीदवार सभके देशभरि जीत दिलाओत, एहनो दावा कयलनि ।

डा. झा संग विभिन्न पार्टी क अन्य नेता–कार्यकर्ता सभ सेहो रास्वपा मे प्रवेश कयलनि । नव प्रवेशी सभके धनुषा क्षेत्र नं. ३ क उम्मीदवार मनिष झाले गमछा ओढ़ा क स्वागत कयलनि । कार्यक्रम मे पार्टी क नेता जीतेन्द्र महासेठ, अम्बुप्रसाद साह लगायत अन्य नेता सभ सेहो अपने विचार रखलनि ।