लखौरीमा हनुमान टोल विकास संस्था गठन

3 महीना पहिले प्रकाशित

Smrititimes

जनकपुरधाम
चैत २१ गते ।
धनुषा जिल्लाको धनौजी गाउापालिका वडा नं. १ लखोैरीमा शुक्रबार हनुमान टोल विकास संस्था गठन भएको छ । स्थानीय सरकार संचालन ऐन २०७४ को अधिनमा रहि धनौजीका अन्य वडामा पहिला नै टोल विकास संस्था गठन भई काम सुरु भएको छ भने लखौरीमा दर्जनौ स्थानीयबासीको उपस्थितीमा ११ सदस्यीय हनुमान टोल विकास संस्था गठन गरिएको आयोजक सपोर्ट नेपालका सशक्तिकरण परियोजनाका धनुषा संयोजक शत्रुघन महतोले जानकारी दिनुभयो ।

सपोर्ट नेपालको आयोजना तथा कुर्वे उस्ट्रोको सहयोगमा संचालित शसक्तिकरण परियोजना अन्तरगत टोल विकास संस्था गठन तथा परिचालन कार्यक्रममा सहभागीहरुलाई संस्थाका विषयमा महतोले जानकारी गराई वडा सचिव गणेश पण्डितको उपस्थितीमा संस्था गठन गर्नुभयो । सो कार्यक्रम परियोजनाका महोत्तरी संयोजक प्रकाश ठाकुरले सहजिकरण गर्नुभएको थियो । स्थानीय महिला रानी देवीदासको अध्यक्षतामा ११ सदस्यीय गठित टोल विकास संस्थाको केहि दिनमै बिधान बनाई पारित गर्ने समेत निर्णय भएको महतोले जानकारी दिनुभयो ।

गठित टोल विकास संस्थाहरले समुदायमा सद्भाव, शान्ति, सुरक्षा, अमनचयन, सहिष्णुता, भाईचार कायम गर्न सहयोग गर्ने, टोलमा संचालन हुने विकास निर्माणका योजनाहरु तर्जूमा, कार्यान्वयन र सुररिवेषण तथा अनुगमनमा सहयोग गर्ने,टोलमा हुने धार्मिक कार्यक्रम, मेला ,पर्व तथा समारोहको व्यवस्थापन गर्ने,कानुन बमोजिम तिर्नुपर्ने कर, दस्तुर,सेवाशुल्क बुझाउने कार्यमा सहजीकरण गर्ने,टोलमा हुने सार्वजनिक कामको नियमन गर्ने लगायतका विभिन्न २९ वटा कामहरु गर्नुपर्नेछन् ।
वडाध्यक्ष श्यामकिशोर साहको अध्यक्षतामा भएको सो कार्यक्रममा धनौजी गाउँपालिकामा संचालित नागरिक सहायता कक्षका संयोजक विना मण्डलले दिईरहेको सेवा सुबिधाका बारेमा जानकारी गराउनु भएको थियो ।