जटही– पिपरौन सडक बनाउन नेपाल भारत सिमावर्ती नागरिक समाजले थाले सम्बाद

2 वर्ष पहिले प्रकाशित

Smrititimes

जनकपुरधाम, पुस १५ गते । भारतको मधुवनी जिल्ला देखि जनकपुर आउन सबै भन्दा नजिकको रुट जनकपुर पिपरौन सडक अन्तरगत सिमावर्ती क्षेत्र जटही देखि पिपरौन सम्मको डेढ किलो मिटरको सडक बनाउन नेपाल भारत सीमावर्ती नागरिक समाजले सामुहिक सार्थक सम्बाद सुरु गरेको छ । यसै क्रममा शनिबार जटहीमा नेपाल भारत क्षेत्रका व्यक्तित्वहरुको बैठकबाट उक्त सडक बनाउन सामुहिक दवाव दिने निर्णय गरिएको छ । सो सडक खण्ड मात्र व्यापारिक दृष्टिकोणले नभई जनकपुर देखि गिरिजा स्थान जाने धार्मिक पर्यटकहरुका लागि समेत महत्वपुर्ण रहेकाले भारत तर्फ रहेको डेढ किलोमिटरको सडक बनाउन दुबै देशका सिमावर्ती क्षेत्रका नागरिकले सम्बाद थालेको जनकपुर नागरिक समाजका अध्यक्ष मुरली मनोहर मिश्रले जानकारी दिनुभयो ।उहाँले नेपाल भारत सिमावर्ती नागरिक समाजले जटहीमा रहेको अधुरो पुललाई भारतीय पक्षको दवावका कारण बन्द गरिएकाले तत्काल बनाउन समेत माग गर्नुभयो । सामुहिक सम्बादका अगुवा नगराईन नगरपालिकाका सदस्य समेत रहनु भएका प्रदिप चौधरीले पुल निर्माणमा भईरहेको ढिलाईले नेपाल भारतका पर्यटकहरुलाई आवतजावतमा समस्या भईरहेको बताउनु भयो । उक्त सडकलाई धार्मिकता संग समेत जोडिएकाले दुबै तर्फ सडक बने पनि राजघाट क्षेत्रमा रहेको बाटो नहुँदा समस्या भईरहेको बताउनु भयो । भारत – नेपाल मैत्री संघका अध्यक्ष पिपरौन निवासी कृष्ण कुमार मिश्रले वर्षौ पहिला सो अन्तरतष्ट्रिय लिङक रोड सन् १९८० मा बाटो नभएकाले तत्कालिन समयमा एक लाखमा माटो पुर्ने काम भएको बताउनु भयो । क्रमशः अहिले सम्म ढलान सम्मको बाटो आफ्नो अगुवाईमा भएको बताउदै उहाँले नेपाल भारतका सिमावर्ती क्षेत्रका नागरिक बिच रगतको सम्बन्ध रहेकाले यसमा तारजाली गर्न नसकिने बताउनु भयो । उहाँले जटही देखि पिपरौन सम्मको सडक निर्माणको टेन्डर समेत भईसकेको बताउनु भयो । सो कार्यक्रममा बोल्दै नेपाल भारत भातृ मंचका अध्यक्ष नवल किशोर सिँहले नेपाल भारत सिमावर्ती क्षेत्रको समस्याहरुको समाधान दुबै देशका सिमावर्ती मिलेर समाधान गर्नुपर्ने बताउनु भयो । सो कार्यक्रममा नोपल भारत सिमावर्ती क्षेत्रका व्यक्तित्वहरुको सहभागीता रहेको थियो ।