स्वास्थ्य बिमा गराई यसको लाभउठाउन सबैलाई मन्त्री सिंहको आग्रह

1 वर्ष पहिले प्रकाशित

Smrititimes

जनकपुरधाम, पुष २० गते ।मधेश प्रदेशका स्वास्थ्य तथा जनसंख्या मन्त्री बिरेन्द्र सिंहले स्वास्थ्य सेवालाई सर्वसुलभ बनाउन र प्रत्येक नागरिकको स्वास्थ्य सेवामा समान पहुँचको हकलाई सुनिश्चित गर्न आफु प्रतिवद्ध रहेको बताएका छन । शुक्रवार प्रदेश स्वास्थ्य बिमा संयोजन समिति सदस्यहरुको प्रथम बैठक तथा स्वास्थ्य बिमा कार्यक्रम सम्बन्धमा आयोजित छलफल कार्यक्रमलाई सम्बोधन गर्दै उनले स्वास्थ्यका विभिन्न विधाहरूमा अनुसन्धान हुन जरुरी रहेको बताए । स्वास्थ्यका महत्वपूर्ण क्षेत्रहरूको पहिचान गरी प्राथमिकताका आधारमा रहेर ती क्षेत्रहरूमा अध्ययन अनुसन्धान गरी तथ्यमा आधारित नीति तथा कार्यक्रम निर्माणमा जोड दिईने बताउंदै उनले हरेक नागरिकको आधारभूत स्वास्थ्यको जिम्मा सरकारको सरोकार भए पनि स्वास्थ्य बीमा मार्फत नजिकको अस्पतालमा आवश्यक सुविधा समेत सजिलै लिन सकिने भएकोले स्वास्थ्य बिमा गराई यसको लाभउठाउन सबैलाई आग्रह गरे । स्वास्थ्य तथा जनसंख्या मन्त्रालय मधेश प्रदेशका सचिव डा.प्रमोद कुमार यादवको अध्यक्षतामा भएको सो कार्यक्रममा स्वास्थ्य निर्देशनालयका प्रमुख डा.राजीव झा , अर्थ मन्त्रालय मधेश प्रदेशका अजय कुमार लाल , महाशाखा प्रमुख ईन्द्रजीत रजक , बिमा बोर्डका संयोजक मनोज पौडेल , नेपाल प्रेस युनियन धनुषाका अध्यक्ष राजन कुमार सिंह , रामजी यादव , सुधिर कुमार राय , सरिता ठाकुर सहितका व्यतिmहरुको उपस्थिति रहेको थियो । स्वास्थ्य बीमा कैलाली जिल्लाबाट २०७२ साल चैत्र २५ गते शुरु भएको थियो । नेपाल सरकारद्वारा संचालित स्वास्थ्य बीमाको मुख्य उद्धेश्य भनेको गुणस्तरीय स्वास्थ्य सेवाको पहुँच एवं उपयोगमा सुधार ल्याई स्वास्थ्य बीमाको आधारमा सबैका लागि स्वास्थ्य सेवा सुनिश्चित गर्ने आकस्मिक, अनायास, अप्रत्यासित रुपले रोगको कारणले गर्दा अचानक आइपर्ने आर्थिक भार लाई पुर्व भुक्तानीको माध्यमबाट आर्थिक जोखिमलाई न्यूनीकरण गर्ने संयन्त्र नै स्वास्थ्य बीमा हो । यो बृहत सामाजिक साझेदारीको अवधारणा अनुरुप सरकारद्वारा ल्यईएको सर्वसाधाराणको लागि बरदान हो। यस कार्यक्रममा व्यक्ति, समुदाय र सरकारको प्रत्यक्ष सहभागिता रहने गर्दछ। यसका साथ साथै सेवा प्रदायक स्वास्थ्य संस्था, स्वास्थ्य बीमा बोर्ड, एवं सरकारको प्रत्यक्ष सहभागितामा आधारित सामाजिक साझेदारीमा आधारीत कार्यक्रम हो।