नेपाल ट्रेड युनियन कांग्रेसकाे दाेस्राे केन्द्रीय समितिकाे बैठकले गरे १५ बुन्दे निर्णय सार्वजनिक

2 वर्ष पहिले प्रकाशित

Smrititimes

दिपेश मल्लिक

जनकपुरधाम, माघ८ गते । मधेश प्रदेश जनकपुरधाममा नेपाल ट्रेड युनियन काँग्रेसको दोस्रो केन्द्रिय समितिको बैठक सम्पन्न भएकाे छ ।

नेपाल ट्रेड युनियन कांग्रेसका केन्द्रीय अध्यक्ष याेगेन्द्र कुमार कुंवरका अध्यक्षतामा भएका बैठकले श्रमजिविहरूकाे हकहित तथा अधिकार सुनिश्चित गर्न विगत सात दशक देखि सकृय भइ पहल गर्दै आएका वक्ताहरूले बताए ।

नेपाल ट्रेड युनियन कांग्रेसकाे महासचिव अजय कुमार राईद्वारा हस्ताक्षरित विज्ञप्ति वाट १५ बुन्दे निर्यहरू पत्रकार सम्मेलन गरि सार्वजनिक गरे ।

बैठकले माघ ७ र ८ दुई दिने कार्यक्रमवाट तपसिलका निर्णयहरू पारित गरेकाे हाे ।

१. नेपाल ट्रेड युनियन कांग्रेसका महासचिव श्री अजय कुमार राईद्वारा प्रस्तुत सांगठनिक र कोषाध्यक्ष श्री संजय कुमार दाहालद्वारा प्रस्तुत आर्थिक प्रतिवेदन संशोधनसहित पारित गरिएको छ ।

२. ट्रेड युनियन कांग्रेसको संगठन विस्तार, परिचलन, श्रमिक आन्दोलनलाई सशक्त बनाउन कार्ययोजनासहित अगाडि बढने र महासंघको कार्ययोजना निर्माण गर्न उपाध्यक्ष श्री गणेश बहादुर के.सी.को संयोजकत्वमा ११ सदस्यीय समिति पाठन गरियो ।

३. विगत लामो समयदेखि ट्रेड युनियन काँग्रेसले नेपाली काँग्रेसलाई सहयोग गर्दै आएपनि श्रभिकको प्रतिनिधित्वमा खासै चासो नदेखाइएकोमा बैठकमा गम्भीर छलफल भयो र आगामी दिनमा पार्टीसँग कस्तो सम्वन्ध हुने भन्ने विषयमा महासंघको अवधारण निर्माण गर्न बरिष्ठ उपाध्यक्ष श्री तेजेन्दजंग कार्कीको संयोजकत्वमा १७ सदस्यीय समिति गठन गरियो र नेपाली काँग्रेसको आगामी महासमिति बैठकमका श्रमिक प्रतिनिधित्वका लागि दवाबमुलक कार्यक्रम गर्ने निर्णय गरियो ।

४. ट्रेड युनियन कांग्रेसको विधानमा व्यवस्था भए बमोजिम ८ वटा विभाग र ४ वटा सेलको संयोजक, सहसंयोजक र सचिव तोकियो :

५. शिक्षा ऐन, २०२८ लाई सरोकारवाला पक्षसँग सम्वाद गरी तत्काल संशोधन गर्नुपर्ने ।

६. विगत लामो समयदेखि प्राधिकारीक ट्रेड युनियनको निर्वाचन नियमित नभएकोले नियमित हुनुपर्ने ।

७. श्रम ऐन, र सामाजिक सुरक्षा योजना प्रभावकारी लागु गर्नुपर्ने ।

८. श्रम ऐनको दफा, १४५ लगायत श्रमिक विरोधी दफाहरु तत्काल संशोधन गराउन विशेष अभियान चाल्ने ।

९. उपदानमा लाग्दै आएको १५% करलाई ५% कायम गराउन महासंघले विशेष कदम चाल्ने ।

१० होटल लगायत सत्कार क्षेत्रमा श्रमिकले पाउँदै आएको सेवा शुल्क कायम हुनुपर्ने ।

११. श्रमिकलाई स्थानीय तहमा पञ्जिकरण गराउन विशेष अभियान थाल्ने ।

१२ विभिन्न बैंक तथा वित्तिय संस्थाहरुको समायोजनले कर्मचारी कटौती तथा सेवा सुविधा एवं ट्रेड युनियन अधिकार कुण्ठित भएकोप्रति तत्काल नसच्चिए कडा अभियान चाल्ने ।

१३ उद्योगपती एवं सांसद विनोद चौधरीको उद्योग सि.जि ग्रुप, नवलपुरमा कार्यरत श्रमिकहरुले खाईपाई आएको सेवा सुविधाको माग गरि व्यवस्थापन पक्षसँग छलफल गर्ने क्रममा विवाद सृजना भएको र थुनिएका ९ जना श्रमिकलाई तत्काल रिहाई गरी २८ जन्ना श्रमिकलाई गरिएको निलम्वन तत्काल फिर्ता गर्नुपर्ने, नगरिएमा कडा कदम चाल्ने निर्णय गरियो ।

१५ कार्यस्वलबाट नै मताधिकार, विदेश जानुपूर्व दिने अभिमुखिकरण तालिममा वढाइएको शुल्क फिर्ता लिनुपर्ने र युवालाई स्वदेशमा नै रोजगारीको सृजना गराउनुपर्ने ।