मधेश प्रदेश सरकारमा नेकपा एमालेका एक मन्त्रीले दिए शपथ

2 वर्ष पहिले प्रकाशित

Smrititimes

जनकपुरधाम ,चैत ५ गते । मधेश प्रदेश सरकारमा आज देखि नेकपा एमाले प्रवेश गरेको छ । केन्द्रीय सत्ता गठबन्धनमा आएको परिवर्तन पछि मधेश प्रदेश सरकारमा नेकपा एमाले आज देखि औपचारिक रुपमा सरकारमा सामेल भएका छन् ।

नेकपा एमालेका संसदीय दलका नेता सरोज कुमार यादवलाई मधेश प्रदेशका मुख्यमन्त्री सरोज कुमार यादवले भौतिक पूर्वाधार विकासमन्त्रीमा नियुक्त गरेपछि प्रदेश प्रमुख सुमित्रा देवी भण्डारीले आजै पद तथा गोपनीयताको शपथ ग्रहण गराउनु भएको छ ।

मधेश प्रदेश प्रमुखको कार्यालयमा मधेश प्रदेशका मुख्यमन्त्री सरोज कुमार यादवको उपस्थितिमा प्रदेश प्रमुखले नवनियुक्त मुख्यमन्त्रीको शपथग्रहण गराउनु भएको थियो । यस अघि नेकपा एमालेका भौतिक पूर्वाधार विकासमन्त्री भएर यादव छोटो समयका लागि मन्त्रालयको कार्यभार सम्हाली सक्नु भएको छ ।

यसै बीच नव नियुक्त भौतिक पूर्वाधार विकासमन्त्री सरोज कुमार यादवले आजै मन्त्रालयमा पुगेर पदभार पनि ग्रहण गर्नु भएको छ ।

केन्द्रीय गठबन्धनमा फेरबदल भएपछि मधेस सरकारमा एमालेले पुनः प्रवेश गरेको छ । मधेश प्रदेशका बाँकी रहेका ४ वटा मन्त्रालयहरू मुख्यमन्त्री सरोज कुमार यादवले आफैसँग राख्नु भएको छ । काङ्ग्रेसबाट मन्त्री बनेकाहरूले राजीनामा नदिएपछि मुख्यमन्त्री यादवले काँग्रेसका मन्त्री भएका मन्त्रालयमा नेकपा एमालेका मन्त्रीलाई नियुक्त गरेर मन्त्री मण्डलको पुनर्गठन गर्नु भएको छ ।

केन्द्रमा लोसपा विपक्षमा भएपनि मधेश प्रदेश सरकारमा यथावत् रहने मधेश प्रदेशका मुख्यमन्त्री सरोज कुमार यादवले जानकारी दिनु भएको छ ।

साभार : रेडियो नेपाल