राजेन्द्र महतोको बहिर्गमनलाई महन्थ ठाकुरले भने सामान्य प्रक्रिया

3 वर्ष पहिले प्रकाशित

Smrititimes

जनकपुरधाम, चैत ८ गते । मधेश केन्द्रित राजनिति गर्दै आएका लोकताीन्त्रक समाजबादी पार्टीका वरिष्ठ नेता राजेन्द्र महतो पार्टीबाट अलग भई नयाँ अभियानमा लाग्नु स्वभाविक रहेको पार्टीका अध्यक्ष महन्थ ठाकुरले बताउनु भएको छ । कुनै बेला मधेश केन्द्रित ६ वटा दल एक भई राजपा गठन भई अहिले महन्थ ठाकुर र शरतसिँह भंडारी मात्र बाँकी रहेको सो पार्टीबाट अनिल झा र राजेन्द्र महतो अलग अलग अभियानका साथ बाहिरिनुलाई अध्यक्ष ठाकुरले सामान्य प्रक्रिया रहेको बताउनु भएको छ ।

पार्टीको केन्द्रिय कार्यसमितिको बर्दिबासमा भएको बैठकको बारेमा बिहिबार जनकपुरधाममा भएको पत्रकार सम्मेलनमा बोल्दै उहाँले पार्टी एकिकरण हुनु , अलग्गिनु तथा नेता कार्यकर्ता छोर्नु वा जोर्नु सामान्य प्रक्रिया रहेको बताउनु भयो । उहाँले बर्तमान अवस्थामा मधेश प्रदेश सरकारलाई आफुहरुले दिदै आएको समर्थन यथाबत रहने समेत बताउनु भयो । संघिय सरकारको विपक्षमा उभेको लोसपा मधेश सरकारमा यथावत रहने संकेतले मधेश सरकार पुर्नगठनमा लोचा हुने संकेत पनि गर्दछ ।

महोतरीको बर्दिवासमा गत मंगलवार र बुधवार गरि दुई दिन सम्म चलेको केन्द्रिय कार्यसमितिको बैठकबाट भएको दश बुँदे निर्णयहरु सार्वजानीक गर्दै लोसपाका अध्यक्ष महन्थ ठाकुरले केन्द्रिय र प्रदेश सत्ता र दलिय गठबन्धन फरक फरक विषय रहेको बताउनु भयो । पार्टीका वरिष्ठ उपाध्यक्ष जितेन्द्र सोनलले पार्टी केन्द्रिय कमिटीको बैठकबाट भएको निर्णयहरु सार्वजनिक गर्नुभएको थियो । लोसपाले लोकतान्त्रिक संविधानको संरक्षण सम्वद्र्वन र स्थायित्वका लागि वर्तमान अपुरो संविधानको संसोधन, आमाको नामबाट नागरिकताका लागि रहेको अवरोध अनत्यको मांग समेत गरेको छ ।

लोसपाको निर्णयमा भारतलाई १० हजार मेगावाट विद्युत विक्रि गर्ने नेपाल सरकारसंगको सम्झौता कार्यान्वय गर्न साथै भारतले दिदै आएको पाँच अर्वको अनुदानलाई २० अर्व पुरयाउने नेपाल सरकारको निर्णयलाई स्वागत त गरेको छ तर चिन सरकार र नेपाल सरकार बिच भएको बिआरआई सम्झौता देशको हितमा नरहेको ठहर पनि बैठकबाट गरेको उल्लेख छ । सो अवसरमा पार्टीका सहअध्यक्ष सर्वेन्द्रनाथ शुक्ला, वरिष्ठ नेता सरतसिंह भण्डारी, महासचिव परमेश्वर साह, प्रदेश सांसद रानी शर्मा तिवारी,धनुषा जिल्ला अध्यक्ष जिवेन्द्र झा सहितको उपस्थिती थियो ।