आँगनको दोस्रो साधारण सभा सम्पन्न

2 वर्ष पहिले प्रकाशित

Smrititimes

जनकपुरधाम
भदौँ १ गते ।
सामाजिक रुपान्तरणको लागि काम गर्दै आएका गैर सरकारी संस्था आँगनको दोस्रो साधारण सभा शनिबार ढल्केवरमा सम्पन्न भएको छ । संस्थाका अध्यक्ष मिथिलेश साहको अध्यक्षतामा भएको दोस्रो साधारण सभामा संस्थाले अहिले सम्म गरेको कार्यहरुको समिक्षा गर्दै अगामी कार्ययोजनाका बारेमा समेत छलफल भएको सचिब राजकुमार ठाकुरले जानकारी दिनु्भयो । सो साधारण सभाको प्रमुख अतिथीका रुपमा सहभागी द एसिया फÞाउन्डेशन मधेश प्रदेशका प्रोग्राम मैनेजर रोशन कुमार झाले आँगनले स्थापनाको दुई वर्ष भित्रमै गरेको कामहरु प्रशंसनीय रहेको भन्दै अगामी दिनमा समेत समाजहितमा थप काम गर्ने विस्वास गर्नुभयो । उहाँले समाज रुपान्तरणका लागि गैर सरकारी संस्थाहरुको योगदान महत्वपुर्ण रहेको बताउदै स्थानीय सवालहरुलाई सम्बोधन गर्न राज्यसंयन्त्र संगको सहकार्यमा गैर सरकारी संस्थालाई अझ धेरै काम गर्नुपर्ने आवश्यक्ता औल्याउनु भयो । सो साधारण सभामा संस्थाका सचिव राजकुमार ठाकुरले आर्थिक वर्ष २०८०÷८१ को प्रगति विवरण तथा कोषाध्यक्ष शुशिला देवी सिँहले आर्थिक प्रतिवेदन प्रस्तुत गर्नुभएको थियो । साधारण सभामा संस्थाले अगामी वर्ष २०८१ ÷८२ मा संचालन गर्ने प्रस्तावित कार्यक्रम तथा बजेट समेत प्रस्तुत गरिएको थियो । साधारण सभामा आँगन द्वारा द एसिया फाउण्डेशनलाई प्रशंसा पत्र प्रदान गरिएको थियो । त्यस्तै सहभागीहरुलाई प्रशंसा पत्र तथा दोसल्ला ओढाई सम्मान गरिएको अध्यक्ष साहले जानकारी दिनुभयो । सो साधारण सभामा आँगन संस्थाका उपाध्यक्ष अन्नु कुमारी पटेल, सदस्यहरु पदम बहादुर बलमपाकी,रिजवाना खातुन लगायतका सधारण सदस्यहरुको सहभागीता रहेका थिए । साधारण सभाको संचालन संस्थाका सदस्य पदम बहादुर बलम्पाकीले गर्नुभएको थियो भने स्वागत मन्तव्य संस्थाका उपाध्यक्ष अन्नु कुमारी पटेलले गर्नुभएको थियो ।