एकिकृत सामाजिक विकास एैनको आवश्यक्ता छ ः गैसस सचिव चौधरी

6 महीना पहिले प्रकाशित

Smrititimes

जनकपुरधाम
असोज ६ गते ।
गैर सरकारी महासंघ नेपालका केन्द्रिय सचिव बैद्यनाथ चौधरीले विगत केहि वर्ष यता एकिकृत सामाजिक विकास एैन नबनेको कारण गैर सरकारी संस्थाहरुलाई नियमानुसार कार्य गर्न समस्या भईरहेको बताउनु भएको छ ।

गैर सरकारी संस्था महासंघ नेपाल मधेश प्रदेशको आयोजनामा आइतबार जनकपुरधाममा भएको नागरिक संस्था तथा सरोकारबला निकायहरु बीचको प्रदेश स्तरीय नीति सम्बाद कार्यक्रममा विशिष्ठ अतिथिका रुपमा बोल्दै उहाँँले २०७२ साल देखि सामाजिक विकास एैनमा परिवर्तनको आवश्यक्ता भएपनि पुरानै ऐनका कारण गैर सरकारी संस्थाहरुको विभिन्न मुद्दाहरु ओझेलमा परेको बताउनु भयो ।

गैसस महासंघ मधेश प्रदेशका उमाध्यक्ष नरेश जयसवालको अध्यक्षतामा भएको सो कार्यक्रममा बोल्दै विशिष्ठ अतिथी चौधरीले अहिले पनि कुनै संस्था दर्ता गराउन पुलिस रिपोर्ट मनाउन महिनौ सम्म लाग्ने जस्ता अव्यवहारिक कार्यले गैर सरकारी संस्थामा गणतन्त्रको अनुभूति हुननसकेको आरोप लगाउनु भयो । मधेश प्रदेश सरकारले नियम विपरित जनलोकपाल आयोग बनाएपनि हजारौँको संख्यामा रहेको गैर सरकारी संस्थालाई कानुनी सहजताका लागि प्रदेश स्तरमा समाज कल्याण परिषद नहुनु पति रोस प्रकट गर्नुभयो ।

सो कार्यक्रममा गैसस महासंघका केन्द्रिय परियोजना संयोजक नारायण पौडेलले प्रस्तुतीकरण गर्दै गैर सरकराी संस्थाहरुको काम गर्ने क्रममा भईरहेको समस्याहरुलाई दर्साउदै सरोकारबला निकायहरु संगको समन्वयात्मक भूमिकाका विषयमा जानकारी गराउनु भएको थियो ।

सो कार्यक्रममा जनकपुरधाम उपमहानगरपालिकाका उपप्रमुख किशोरी साह, मधेश प्रदेश समाज कल्याण तथा खेलकुद मन्त्रालयका शाखा अधिकृत नितु दुबे,सामाजिक अभियन्ता दिनेश पुर्वे लगायतकाले मन्तव्य राखनु भएको थियो । कार्यक्रममा गैसस महासंघका मधेश प्रदेशका सबै जिल्लाका पदाधिकारी लगायतको सहभागिता रहेको थियो ।