ओरेकद्वारा शक्ति परियोजनाको बारेमा परामर्श बैठक सम्पन्न

4 महीना पहिले प्रकाशित

Smrititimes

जनकपुरधाम
असोज ११ गते ।
धनुषा जिल्लाको दुई पालिका लगायत मधेशका तिन जिल्लामा संचालनमा रहेको शक्ति परियोजनाका बारेमा शुक्रबार जनकपुरधाममा सरोकारबला निकायहरु संग ओरेकले परामर्श बैठक सम्पन्न गरेको छ । महिला पुनस्र्थापना केन्द्र ओरेकको आयोजना तथा जिल्ला समन्वय समिति धनुषाका प्रमुख राजनन्दन मंडलको अध्यक्षतामा भएको सो परामर्श बैठकमा शक्ति परियोजना अन्तरगत आगमी चार वर्षमा हुने कामहरुका बारेमा सहभागीहरुलाई जानकारी गराईको थियो । ओरेक धनुषाका संयोजक विणा सिँहले संचालन गर्नुभएको सो कार्यक्रममा परियोजनाका बारेमा विस्तृत विवरण ओरेकका अध्यक्ष सविता पोखरेलले प्रस्तुतीकरण मार्फत जानकारी गराउनु भएको थियो ।

यो परियोजना धनुषा जिल्लाको जनकपुरधाम उपमहानगरपालिका वडा नंं १४ र लक्षमिनियाँ गाउँपालिका वडा नं. १ र ४ मा संचालित छन् । उहाँले शक्ति परियोजना मार्फत महिला किशोरीहरुको रुपान्तरिक नेतृत्व विकास भई लैँगिक हिँसा विरुद्ध आवाज उठाउने क्षमताको विकास हुने बताउनु भयो । नेपाल सरकारले अहिले पनि महिलाहरुलाई कृषि मजदुर मात्र सम्झेको भन्दै खेतमा बढी काम गर्ने महिलालाई कृषकको दर्जा दिनुपर्ने बताउनु भयो । रुपान्तरिक महिला नेतृत्वको अवधारणा सहित संचालनमा रहेको उक्त परियोजना अन्तरगत धनुषा जिल्लामा १ करोड १८ लाख २४ हजार ५ सय ८० रुपैँया खर्च हुने अध्यक्ष पोखरेलले जानकारी दिनु भयो ।

चार वर्षका लागि रहेको उक्त बजेट मध्ये पहलिा वर्षमा ३१ लख ६३ हजार ६ सय ३९, दोस्रो वर्षमा २७ लाख ५१ हजार ७ सय १५, तेस्रो वर्षमा २९ लाख ८९ हजार ४ सय ३७ तथा चौथो वर्षमा २९ लाख १९ हजार ७ सय ८७ रुपैयाँ खर्च हुने प्रस्तुतिकरणमा जनाइएको छ । यो परियोजनाले रुपान्तरिक नेतृत्व र पैरवी सम्बन्धि सिप विकास,निर्णय प्रक्रिया र स्थानीय सरकारको विभिन्न संरचना र यो जना निर्माण प्रक्रिया र सक्रिय सहभागिताको विकास, महिला कृषकद्वारा सघन जैविक खेति प्रणाली अवलम्बन गरि खाद्य सुरक्षा र महिलाको जीविकोपार्जनका क्षेत्रमा काम गरिेन लगायतका यो परियोजनाको उपलब्धि रहने अध्यक्ष पोखरेलले जानकारी दिनुभयो । परियोजना संचालन अवधीमा स्थानीय पालिका, वडा कार्यालय,प्रहरी, समुदायमा रहेका संघ संस्था, महिला,यु्वा तथा किशोरी समुह, जिल्ला विपद व्यवस्थापन समिति,नागरिक समाज, लैँगिक हिँसा सेवा प्रदायक निकायहरु संग समन्वय र सहकार्य गरिने उहाँले जानकारी दिनुभयो ।

परियोजनाको मुख्य गतिविधिमा जिल्ला स्तरीय सरोकारबलाहरु संग अन्तरक्रिया, लैँगिक नीति निर्माणका लागि सहजीकरण तथा पैरवी,रुपान्तरित नेतृत्व सम्बन्धि युवा तथा महिलालाई तालिम , युवाहरुलाई महिलाबादी क्षमता अभिबृद्धि तालिम, श्रमिकको अधिकारका सम्बन्धम पैरवी, महिला किसान समुहलाई सघन जैविक खेतीमा सहयोग लगायतका रहेको अध्यक्ष पोखरेलले जानकारी दिनुभयो । सो परामर्श बैठकमा बोल्दै प्रमुख अतिथी मधेश प्रदेशका पुर्व गृह तथा संचार राज्मन्त्री शारदा थापाले नेपालमा रहेको बाँझो जग्गामा खेती गरे महिलाहरुको स्तर उन्नती हुने बताउनु भएको थियो ।

गैर सरकारी संस्थाहरुको कारणले नै नेपालमा महिलाहरुको क्रमिक विकास भएको जानकारी दिदै उनिहरुले श्रमको मुल्य पाउन थालेको बताउनु भयो । आफु जितेको बर्दिबास नगरपालिका वडा नं. ९ पशुपतिनगर तथा वडा नं. १३ विजलपुरामा समेत यो शक्ति परियोजना संचालन भएकाले आफु पनि सक्दो सहयोग गर्ने प्रतिबद्धता व्यक्त गर्नुभयो ।बैठकमा बोल्दै खेलकुद तथा समाज कल्याण मन्त्रालय मधेश प्रदेशका सचिव देवकुमारी खत्रीले महिलाको श्रम, शरीर र पहिचानका क्षेत्रमा ओरेक नेपालको महत्वपुर्ण योगदान रहेको भन्दै शक्ति परियोजनाले महिलाको रुपान्तरित नेतृत्व विकासमा सहयोग पुग्ने बताउनु भयो ।

उहाँले लैँगिक हिँसा प्रभावित महिलाहरुका लागि लालबन्दीमा १९ करोड ८६ लाखको लागतमा एक सय जनालाई राख्न सकिने आश्रयस्थलको निर्माण भईरहेको समेत जानकारी गराउनु भयो । मन्त्रालयले सशक्त महिला समृद्ध नेपाल परियोजना जनकपुरधाका सबै वडामा संचालन गरिने समेत जानकारी दिनुभयो । बैठकमा बोल्दै परियोजना संचालनमा रहेका पालिका लक्षमिनियाँ गाउँपालिकाका प्रमुख भोगेन्द्र मिश्रले परियोजना संचालनमा चाहिने आर्थिक सहयोग पालिकाले समेत गर्ने प्रतिबद्धता जनाउदै अन्य वडामा समेत शक्ति परियोजना संचालन गर्न आग्रह गर्नुभयो ।

सो गोष्ठीमा जनकपुरधाम उपमहानगरपालिकाका उपप्रमुख किशोरी साह, राष्ट्रिय मानवअधिकार आयोग मधेश प्रदेश कार्यालयका अधिकृत, कृषि ज्ञान केन्द्र धनुषाका प्रमुख, लक्षमिनियाँ गाउँपालिकाका उपप्रमुख तथा वडा नं. १ का वडाध्यक्ष लगायतका सहभागीहरुले मन्तव्य राख्नु भएको थियो । सो परामर्श बैठकमा धनुषा जिल्लाका सरकारी, गैर सरकारी निकाय, स्थानीय तहका प्रतिनिधि, मानव अधिकारकर्मी, पत्रकार, लगायतको सक्रिय सहभागिता रहेको थियो ।