ज्वासले दिए अन्तरपुस्ता संवाद सम्बन्धी तालिम

1 वर्ष पहिले प्रकाशित

Smrititimes

जनकपुरधाम
पुस ११ गते ।
विगत ६ दिन देखि जनकपुरधाममा जारी रहेको स्टिक्स एण्ड स्टोन्स साकारात्मक अभिभावकत्व र अन्तरपुस्ता सम्बाद सम्बन्धी जानकी महिला जागरण समाज(ज्वास)ले तालिम सहभागीहरुलाई तालिम प्रदान गरेको छ । किशोरीहरुलाई सशक्त बनाउन उनिहरुको सर्वाङिगक विकासको लागि संचालित सशक्त वालिका परियोजना अन्तरगत सो तालिम भएको हो । प्लान इन्टरनेशनल नेपालको साझेदारीमा जानकी महिला जागरण समाजले संचालन गरिरहेको सशक्त वालिका परियोजना(जीएसएस)ले प्रारम्भिक वाल विकास र संरक्षणको विषयमा काम गर्दै आएको छ ।

सबैला नगरपालिकाको वडा नं. ९,१०,११ र १३ तथा शहीदनगर नगरपालिकाको वडा नं. ७ मा यो कार्यक्रम संचालित छ । उक्त तालिममा समुदायमा रहेका ११ वर्ष देखि १९ वर्ष सम्मका किशोरीहरुलाई वडामा दुई दुई वटा समुह बनाई संरक्षण सम्बन्धी कक्षा संचालनको लागि छनोट भएका सामुदायिक सहजकर्ताहरु १० जना तथा परियोजनाका कमृचारीहरु ७ जना गरी कुल १७ जनालाई तालिम प्रदान गरिएको छ । स्टिक एण्ड स्टोन, साकारात्मक अभिभावकत्व र अन्तरपुस्ता संवाद सम्बन्धी उक्त तालिममा सहजकर्ता हेमन्त पौडेल तथा प्लान इन्टरनेशनल नेपालका टेक्निकल एडभाइजर सविना राउतले सहजीकरण गर्नुभएको थियो ।

उक्त तालिममा प्लानइन्टरनेसनल नेपालले नै निर्माण गरेको सन्दर्भ सामग्रीहरु, स्टिक एण्ड स्टोन तालिम निर्देशिका, साकारात्मक अभिभावकत्व सम्बन्धी निर्देशिका र अन्तरपुस्ता संवाद सम्बन्धी निर्देशिकाबाट प्रशिक्षण दिइएको ज्वासका कार्यक्रम अधिकृत खगेन्द्र दहालले जानकारी दिनुभयो । उक्त प्रशिक्षणमा दुई पालिकाको ५ वटै वडाको २ दुई जना किशोरी समुहमा विद्यालय विदाको दिन वा सजिलो समयमा हप्तामा २ दुई घण्टाको दरले प्रत्येक समुहमा कक्षा संचालन हुने र किशोरीहरुका अभिभावकहरु संग महिनामा एक पटक साकारात्मक अभिभावकत्व सम्बन्धी छलफल हुने कार्यक्रम अधिकृत दहालले जानकारी दिनुभयो ।

छलफलमा भाग लिने समुहलाई ३ तिन महिनामा जम्मा गरेर उनिहरुको हजुरवुवा वा हजुर आमा पुस्तालाई समेत सामेल गराई अन्तरपुस्ता सम्वाद गरिने ज्वासका कार्यक्रम संयोजक निकिता सिंह यादवले जानकारी दिनुभयो । उक्त तालिममा ज्वासका अध्यक्ष मन्दाकिनी कर्ण लगायतका अन्य कर्मचारीहरुको सहभागिता रहेको थियो ।