कर्माहीमा टोल सरसफाई अभियान सम्पन्न

7 महीना पहिले प्रकाशित

Smrititimes

जनकपुरधाम
फागुन ३ गते ।
हाम्रो टोल होम्रो जिम्मेबारी , सफा वातवारण सुखी जीवन मूल नाराका साथ धनुषाको विदेह नगरपालिका वडा नं. ३ कर्माहीमा बिहिबार टोल सरसफाई अभियान कार्यक्रम सम्पन्न भएको छ । सो पालिका अन्तरगतका महिला स्वास्थ्य स्वयंसेविकाहरु तथा स्थानीय युवा विद्यार्थीहरुको सहभागीतामा उक्त अभियान संचालन भएको छ । सरसफाईका कारण व्यक्तिगत तथा पारिवारी स्वास्थ्य राम्रो हुने भएकाले जनचेतना जगाउने उद्देश्यले स्थानीयकै सहयोगमा सरसफाई अभियानको सुरुवात गरिएको छ । प्लान इन्टरनेसनल नेपालको आर्थिक सहयोग तथा सामाजिक विकास र अनुसन्धान केन्द्रको साझेदारी विदेह नगुपालिकाको समन्वयमा संचालित सशक्त बालिका परियोजना अन्तरगत सो अभियान संचालन गरिएको छ । अभियानमा सहभागीहरुले कर्माहीको विद्यालय क्षेत्रमा सडक सरसफाई गर्दै महादेव मन्दिर सम्म सफाई गरेको केन्द्रका सामाजिक परिचालक दिव्या झाले जानकारी दिनुभयो । सरसफाई अभियान सुरु हुनु भन्दा पहिला सहभागी महिला स्वास्थ्य स्वयं सेविकाहरुलाई परियोजनाका कार्यक्रम संयोजक बिबश श्रेष्ठले दुषित पानीको प्रयोग, शौचालयको प्रयोग नगर्दा हुने झाडापखालाका विषयमा भिडियो प्रदर्शन गरी सरसफाईको महतवका बारेमा जानकारी गराउनु भएको थियो । उक्त सरसफाईमा महिला स्वास्थ्य स्वय.सेविका, विद्यार्थी, युवा, तथा परियोजनाका कार्यक्रम संयोजक बिबश श्रेष्ठल, परियोजना अधिकृत विनिता कुमारी यादव, सामाजिक परिचालक दिव्या झा, आधारभूत स्वास्थ्य सेवा केन्द्र कर्माहीका सिनियर अहेव दिलिप ठाकुर लगायतको सहभागिता रहेको थियो ।