वालविवाह न्युनिकरण सम्बन्धी पाँच दिने तालिम सम्पन्न

11 महीना पहिले प्रकाशित

Smrititimes

जनकपुरधाम
फागुन ३ गते ।
पालिका स्तरमा हुने गरेको वालविवाह रोक्नको लागि धनुषाको दुई पालिकाका शिक्षा शाखा प्रमुख, प्रधानाध्यापक, शिक्षक, शिक्षिकाहरुलाई जानकी महिला जागरण समाजले पाँच दिने तालिम प्रदान गरेको छ । सहभागीहरुलाई बाल विबाह न्युनिकरणको लागि जनकपुरधाममा ५ दिने स्टिक एन्ड स्टोन संम्वन्धि तालिम सम्पन्न भएको छ । प्लान इन्टरनेशनल नेपालको साझेदारीमा जानकी महिला जागरण समाजले संचालन गरिरहेको सशक्त वालिका परियोजनाले प्रारम्भिक वाल विकास र संरक्षणको विषयमा काम गर्दै आएको छ । त्यसै अन्तरगत सबैला नगरपालिकाको वडा नं. ९,१०,११ र १३ तथा शहीदनगर नगरपालिकाको वडा नं. ७ मा यो कार्यक्रम संचालित छ । उक्त तालिममा ५ वटा वडाको माध्यमिक र आधारभूत विद्यालयहरुको प्रधानाध्यापक, शिक्षक, शिक्षिका र नगरपालिकाको शिक्षा शाखा प्रमुखहरु गरि १५ जनालाई तालिम प्रदान गरिएको छ । स्टिक एण्ड स्टोन सम्बन्धी उक्त तालिममा सहजकर्ता प्लान इन्टरनेशनल नेपालका टेक्निकल एडभाइजर सविना राउतले सहजीकरण गर्नुभएको थियो ।
उक्त तालिममा प्लानइन्टरनेसनल नेपालले नै निर्माण गरेको सन्दर्भ सामग्रीहरु, स्टिक एण्ड स्टोन तालिम निर्देशिकाबाट प्रशिक्षण दिइएको ज्वासका कार्यक्रम अधिकृत खगेन्द्र दहालले जानकारी दिनुभयो । उक्त प्रशिक्षणमा दुई पालिकाको ५ वटै वडाको विद्यालयहरुमा ११ देखि १९ वर्षको किशोर र किशोरीहरुलाई विद्यालय संचालन भएको हरेक शुक्रवार अतिरिक्त क्रियाकलाप सँगै संचालन गरिने कार्ययोजना निर्माण गरिएको छ । समुदायमा पनि किशोरी समुह गठन भई स्टिक एन्ड स्टोन,सकरात्मक अभिभावकत्व र अन्तरपुस्ता छलफल चलिरहेको र आगामि दिनमा विद्यालयहरुमा समेत बाल संरक्षण , बाल अधिकार , हिंसा तथा दुव्र्यवहार कमी आउने तथा बाल विवाह,जवरजस्ति गरिने बिवाह र भागि बिवाह कम हुने लक्षको साथ यो तालिम आयोजना गरिइको ज्वासका कार्यक्रम संयोजक निकिता सिंह यादवले जानकारी दिनुभयो । उक्त तालिममा ज्वासका अध्यक्ष मन्दाकिनी कर्णले आगमि दिनमा बालबिवाह कम गर्नको लागि विद्यालयहरुले अझ प्रभावकारी भुमिका खेल्ने अपेक्षा व्यक्त गर्नुभयो ।