प्लान ईन्टरनेसनल नेपालको सल्लाहकार समितिको बैठक सम्पन्न

1 दिन पहिले प्रकाशित

Smrititimes

जनकपुरधाम
बैसाख १७ गते ।
धनुषाको पाँच वटा पालिकामा संचालनमा रहेको प्लान इनटरनेशनल नेपालको परियोजना विषयमा जनकपुरधाममा जिल्ला परियोजना सल्लाहकार समितिको बैठक सम्पन्न भएको छ । उक्त बैठकमा जुलाई २०२४ देखि अप्रिल २०२५ सम्मको प्रगति विवरणका विषयहरु आर्थिक विवरण, असल अभ्यासहरु, चुनौतीहरु ल्गायतका विषयमा सहभागीहरुलाई जानकारी गराइएको छ ।

जिल्ला समन्वय समिति धनुषाका सभापति राजनन्दन मंडलको अध्यक्षतामा भएको सो बैठकमा जिल्लाको सबैला नगरपालिका, शहिदनगर नगरपालिका, कमला नगरपालिका, विदेह नगरपालिका तथा जनकनन्दिनी गाउँपालिकामा संचालनमा रहेको समुदाय केन्द्रित सशक्तिकरण परियोजना अन्तरगत दक्ष युवा परियोजना तथा सशक्त वालिका परियोजनाको बारेमा प्रगतीको समिक्षा गरिएको थियो । सो बैठकमा परियोजना संचालन भएको पालिकाहरुका मेयर उपमेयर तथा प्रमुख प्रशासकीयहरुको समेत उपस्थिती रहेको थियो । परियोजना संचालनमा सहकार्यमा रहेका जानकी महिला जानगरण समाज(ज्वास), सापेर्ट नेपाल,सामाजिक विकास र अनुसन्धान केन्द्र(एसडिआरसी),सामुदायिक परिवार कल्याण संघ(सीएफडब्लुए) का पदाधिकारीहरुको समेत उपस्थितीमा भएको बैठकमा परियोजनाले गरिरहेको कामको सराहना गर्दै यसले वालिका, युवा तथा महिलाको सशक्तिकरणमा सहयोग भईरहको सहभागीहरु बताएका थिए ।

कार्यक्रममा परियोजना अन्तरगत स्थानीय तहको समन्वयमा सहभागी गैरसरकारी संस्थाहरुको गरिरहेकाम विभिन्न क्रियाकलापको बारेमा जानकारी गराईएको थियो । कार्यक्रममा प्रस्तुतीकरण पछि सपोर्ट नेपालका अध्यक्ष रोशना खड़का, ज्वासका अध्यक्ष मन्दाकिनी कर्ण,सबैला नगरपालिकाका मेयर कारी यादव, कमला नगरपालिकाका उपमेयर शिला देवी मंडल,जिल्ला समन्वय समिति धनुषाका उपसभापति संगिता ठाकुर लगायकाले परियोजनाले भईरहेको सामाजिक रुपान्तरणका विषयमा जानकारी गराउनु भएको थियो ।