मेयरकपको समाचार लेख्ने मध्ये तीन पत्रकार सम्मानित

1 वर्ष पहिले प्रकाशित

Smrititimes

जनकपुरधाम
जेठ ५ गते ।

जनकपुरधममा जेठ २ गते तेश्रो मेयर कप टी – २० क्रिकेट प्रतियोगिताको क्रममा उत्कृष्ठ तथा नियमित प्रकाशन तथा प्रसारण गरेका धनुषाका तीन सञ्चारकर्मीलाई सोमबार जनकपुरधाम उपमहानगर पालिकाले एक कार्यक्रमका बिच पुरस्कृत र सम्मानित गरेको छ । तिनै जना पत्रकारलाई जनकपुरधाम उपमहानगरपालिकाका मेयर मनोज कुमार साहले सम्मानित गर्नुभएको छ । जनकपुरधाममा हुने गरेको खेलहरुको समाचार नियमित रुपमा संचार माध्यममा आउन संचारकर्मीलाई प्रोत्साहन गर्ने मनसायले यो क्रमको सुवात भएको नेपाल कृकेट सघ धनुषाका सचिव आशिष झाले जानकारी दिनुभयो ।

मेयरकमको समाचार लेख्नेहरु मध्ये एक कमिटी बनाई तिन जनाको नाम छनौट गरी उक्त सम्मान तथा पुरस्कार वितरण् गरिएको झाले जानकारी दिनुभयो । पुरस्कृत तथा समनित हुनेहरुमा पहिलो स्थानमा कान्तिपुरका सम्वादाता कमलेश मण्डल, दोश्रो स्थानमा रेडियो नेपालमा कार्यरत वरिष्ठ सञ्चारकर्मी अजय झा र तेश्रो स्थानमा जनकपुर टुडे तथा प्राइम टिभिका सम्वादाता चाँदनी झालाई सम्मानित गरिएको छ ।

यसका लागि पांच सदस्य एक निर्णायक कमिटी गठन गरिएको थियो । कमिटीमा वरिष्ठ सञ्चारकर्मी अजित तिवारी, पत्रकार महासंघका सचिव बटुक नाथ झा, निवर्तमान केन्द्रिय सदस्य रिंकु मिश्र “गायत्री“ त्यस्तै धनुषा जिल्ला क्रिकेट संघबाट सचिव आशिष झा र सदस्य सरोज मिश्र थिए । जनकपुरधामका मेयर मनोज कुमार साह पालिका मै कार्यक्रमको आयोजन गरेर तिनै जनालाई सम्मनित गर्नुभएको छ । अप उपरान्त हुने मेयरकम टुर्नामेन्टमा खेल समाचार लेख्नेहरुमध्ये यसरी नै सम्मानित गर्ने उद्देश्यले व्यवस्थापन गरिने जनाइएको छ ।