जनकपुर ग्राण्डी होस्पीटलमा सार्वजनिक सुनुवाई कार्यक्रम सम्पन्न

1 वर्ष पहिले प्रकाशित

Smrititimes

जनकपुरधाम
जेठ १३ गते
जनकपुर ग्राण्डी होस्पीटलमा सार्वजनिक सुनुवाई कार्यक्रम सम्पन्न भएको छ । सो कार्यक्रम मंगलवार होस्पीटलको प्रांगणमा १२ः३० बजेदेखि शुरु भएको थियो । सो अवसरमा आयोजक पक्षले होस्पीटल अब १० बेडबाट २५ बेडको बन्ने चर्चा गरेको छ । सो अवसरमा होस्पीटलमा विभिन्न खालको स्वास्थ्य सेवा सर्वसाधारणले पाउने काम अघि बढ्ने जानकारी पनि होस्पीटलका संचालक समेत रहनु भएका रामलोचन मण्डलले दिनुभएको छ ।

कार्यक्रम जनकपुरधाम उपमहानगर पालिकाको वडा नं. ९ का अध्यक्ष परमेश्वर साहको अध्यक्षतामा भएको थियो । सो क्रममा अध्यक्ष साहले अस्पताल को प्रगती हुनु सराहनीय पक्ष रहेकोले आफुबाट हुन सक्ने सहयोग गर्ने प्रतिबद्धताको साथै होस्पिटलबाट निस्कने फोहर व्यवस्थापनमा ध्यान दिनुपर्ने सुझाव दिनुभयो । त्यस्तै कार्यक्रममा प्रमुख अतिथीमा मधेश स्वास्थ्य विज्ञान प्रतिष्ठान जनकपुरका डा.रामेश्वर महासेठ अनि फुलबाबु यादव रहनु भएको थियो भने विशिष्ट अतिथीहरुमा जनकपुरधाम उपमहानगर पालिकाका योजना प्रमुख लखनदेव यादव,वडा प्रहरी कार्यालय प्रमुख उपेन्द्र बैठा,श्री जनता मा.वि.रजौलका प्र.अ. मिथिलेश मण्डल, नेपाल पत्रकार महासँघ धनुषाका सचिव बटुकनाथ झा,संचारकर्मी कुशेश्वर उपाध्याय, वडा नं. ९ आधारभुत स्वास्थ्य केन्द्रका प्रमुख अनि स्थानियहरुको उल्लेखनिय सहभागिता रहेको थियो । कार्यक्रममा जनकपुर ग्राण्डी होस्पीटलका चिकित्सिक टिम अनि कर्मचारी टीमको पनि सहयोग रहेको थियो ।