जनकपुरधामका शिक्षा र स्वास्थ्य क्षेत्रमा चिनले पहुँच बढाउदै

2 दिन पहिले प्रकाशित

Smrititimes

जनकपुरधाम ,जेठ २० ः
विगत केहि वर्ष यता मधेश प्रदेशका विभिन्न क्षेत्रमा आफ्ना पहुँच बढाएका चीनले जनकपुरधामलाई समेत ध्यानमा राखेर काम गर्न थालेको छ । मंगलबार जनकपुरधामको एतिहासिक सरस्वती मावि तथा पदेशिक अस्पताल जनकपुरमा केहि सामानहरु हस्तानान्तरण गरिएको छ । चीन ग्रामीण विकास प्रतिष्ठानले जनवादी गणतन्त्र चीनको नेपालस्थित दूतावासको आर्थिक सहयोगमा र ग्लोबल पिस फाउन्डेसनको साझेदारीमा “भविष्य उज्यालो बनाउने” शिक्षा परियोजना र “आरामदायी सुत्केरी अभियान” नामक स्वास्थ्य परियोजना हस्तान्तरण गरेको हो । शिक्षा परियोजना अन्तर्गत दुईवटा सामुदायिक विद्यालयलाई डेस्क–बेञ्च, स्मार्ट बोर्ड, ह्वाइटबोर्ड, स्टेशनरी सामग्री र ६०२ सेट विद्यार्थी पोशाक वितरण गरिएको छ । स्वास्थ्य परियोजनाअन्तर्गत मधेश प्रादेशिक अस्पतालको सुत्केरी कक्षमा वातानुकूलन प्रणाली जडान गरिँदैछ, जसले आमाहरूलाई सुरक्षित र सुविधा सम्पन्न सुत्केरी सेवा प्रदान गर्ने अपेक्षा गरिएको छ।
सरुस्वती माविमा भएको सो अस्तानान्तरण कार्यक्रमको प्रमुख अतिथी एमालेका महासचिव तथा पुर्व उपप्रधानमन्त्री ईश्वर पोखरेले दुबै छिमेकी देश संग समन्वय बढाई सहयोग लिनु पर्ने बताउनु भयो । उहाँले शिक्षा र स्वास्थ्यका क्षेत्रमा थप सहयेो गर्न चिनियाँ पक्षलाई आग्रह समेत गर्नुभयो । रस्वती माविका प्रधानाध्यापक नागेश्वर साहको अध्यक्षतामा भएको सो शैक्षिक सामानहरुको हस्तानान्तरण कार्यक्रमा धनुषा क्षेत्र नं. ३ का संघीय साँसद जुली महतो ,चिनियाँ दूतावासका व्यापार परामर्शदाता सिए यु, चीन ग्रामिण विकास प्रतिष्ठान नेपालकी निर्देशक सु जोउ, मधेसी आयोगका संस्थापक प्रमुख आयुक्त डा. विजयकुमार दत्त, एमालेका जिल्ला स्तरका नेताहरु, शिक्षक तथा स्थानीयवासीहरुको सहभागीता रहेको थियो । त्यस्तै प्रादेशिक अस्पतालमा भएको सुत्केरी कक्षमा एकसी जडानको प्रमुख अतिथी मधेश प्रदेशका सभामुख रामचन्द्र मंडलले अस्पतालको अनुगमन समेत गर्नुभएको थियो । सो हस्तानान्तरण कार्यमा परियोजनाका प्रबन्धकहरू शिवाङ्ग दत्त, सन्ध्या बज्राचार्य र जिबेश गुरुङ अस्पतालका चिकित्सकहरु लगायतको सहभागिता रहेको थियो ।

जनकपुरधामका शिक्षा र स्वास्थ्य क्षेत्रमा चिनले पहुँच बढाउदै