अपाङगता भएका मधेशी महिला र वालवालिकाहरुको समानता सम्बन्धी सरोकारबलाहरु संग फलोअप बैठक सम्पन्न

1 वर्ष पहिले प्रकाशित

Smrititimes

जनकपुरधाम
कार्तिक २३ गते ।
अपाङगता भएका मधेशी महिला र बालबालिकाहरुको समानता तथा समावेशीताका लागि ओपीडिएस नेता र अन्य प्रमुख सरोकारबलाहरु संग जनकपुरधाममा एक दिने फलोअप बैठक सम्पन्न भएको छ । राष्ट्रिय अपाङग महिला पुनस्र्थापना केन्द्रको आयोजना , डिसेबलिटी राइट फन्डको सहयोग तथा नेपाल अपाङग महिला संघ बारा तथा अपाङग समाज जनकपुरको समन्वयमा भएको सो बैठकमा स्थानीय तहमा आफ्ना अधिकारका लागि थप सक्रिय हुने निर्णय भएको हो ।

राष्ट्रिय अपाङग महिला पुनस्र्थापना केन्द्रका उपाध्यक्ष गुलाबती झाको अध्यक्षतामा भएको सो बैठकका प्रमुख अतिथि राष्ट्रिय अपाङग महासंघ मधेश प्रदेशका अधयक्ष किरण पासमानले सहभागीहरुलाई थप सशक्तिकरणका लागि योजना अनुसार अगाडी बढ्न आग्रह गर्दै अन्तराष्ट्रिय अपाङगता दिवसलाई भव्यताका साथ बनाउन सक्रिय हुन आग्रह गर्नु भयो । उहाँले आफु रहेका पालिकाहरुमा आफ्ना अधिकारका लागि आवाज उठाउन सबैलाई आग्रह गर्नुभएको थियो ।

सो बैठकमा बोल्दै अपाङग समाज जनकपुरका अध्यक्ष शत्रुधनलाल कर्णले धनुषा र महोत्तरीमा रहेका अपाङगता भएका व्यक्तिहरुको संस्थामा महिला र बालबालिकाहरुको अवस्थाका विषयमा जानकारीका लागि भएको बताउनु भयो । दुई जिल्लाका अपाङगता भएका व्यक्तिहरुको संस्थाका वर्तमान अवस्थाका बारेमा जानकारी गराउन उहाँले सहभागीहरुका आग्रह गर्नुभएको थियो ।

सो बैठकमा बोल्दै राष्ट्रिय निर्देशक समितिका सदस्य सन्जु भगतले यो कार्यक्रम अपाङगता भएका महिला,बालबालिकाहरुको क्षमता अभिबृद्धिका लागि भएको बताउनु भयो । सो कार्यक्रममा संस्थाका कार्यक्रम व्यवस्थापक कामदेव यादवले सहभागीहरुलाई अपाङगता भएका व्यक्तिहरुको समता तथा समानताका लागि समाजका हरेक क्षेत्रमा समान अधिकारका लागि गरिनुपर्ने कामहरुका बारेमा प्रशिक्षण दिनुभएको थियो ।

सो बैठकमा ग्रामिण अपाङग उत्थान केन्द्रका अध्यक्ष धनेश प्रसाद शर्मा,नेपाल अपाङग संघ महोत्तरीका अध्यक्ष मध’ महतो,संकल्प समाज नेपालका दिपेन्द्र कुमार चौधरी,अपाङग विकास केन्द्रका संजीव कुमार पासमान,अपाङग समाज जनकपुरका सहसचिव संगीता गुप्ता,स्माइनल इन्ज्युरी संघका सचिव अशोक कुमार धनकार लगायतको सहभागिता रहेको थियो । सो कार्यक्रमको संचालन जय प्रकाश ठाकुरले गर्नुभएको थियो ।