धनुषा देवडिहाका वैज्ञानिक सतिष चन्द्र झाः विश्व विज्ञानमा नेपाली गौरव

5 महीना पहिले प्रकाशित

Smrititimes

जनकपुरधाम
साउन २४ गते । धनुषा जिल्ला नगराईन नगरपालिका वडा नं. ७ देवडिहाका युवा वैज्ञानिक सतिष चन्द्र झा आफ्नो अनौठो प्रतिभा र ११० भन्दा बढी आविष्कारले विश्व विज्ञान क्षेत्रमा चम्किएका छन्। जनकपुरका यो प्रतिभाशाली वैज्ञानिकले नेपाललाई मात्र होइन, विदेशमा समेत नेपाली विज्ञानको झण्डा उच्च राखेका छन्।

२०१३ मा क्यानडाको प्रतिष्ठित विश्वविद्यालयबाट पिएचडी हासिल गरेका सतिष अहिले अमेरिकामा एक अग्रणी इन्टरनेट कर्पोरेट कम्पनीमा वरिष्ठ अनुसन्धानकर्ता वैज्ञानिकको रूपमा कार्यरत छन्। उनले ५न् मोबाइल नेटवर्क, इन्टेलिजेन्ट डेटा व्यवस्थापन, र नेटवर्क अनुकूलनजस्ता अत्याधुनिक प्रविधिमा महत्वपूर्ण योगदान दिएका छन्।

उनका यी आविष्कारले विश्व विज्ञान र प्रविधि क्षेत्रमा क्रान्तिकारी परिवर्तन ल्याएको भन्दै विभिन्न राष्ट्रिय तथा अन्तर्राष्ट्रिय निकायहरूले सतिषलाई सयौं सम्मानले विभूषित गरेका छन्। २००७ र २०१९ मा प्राप्त सम्मानहरूले उनको दीर्घकालीन अनुसन्धान र समर्पणको प्रमाण दिएका छन्।

सतिष चन्द झाको योगदानले नेपाल जस्ता विकासशील राष्ट्रका लागि नयाँ सम्भावनाका ढोका खोलेको छ। उनका आविष्कारहरूले मात्र प्रविधिमा सुधार ल्याएको छैन, नयाँ पुस्तालाई विज्ञान र अनुसन्धानतर्फ आकर्षित गर्ने प्रेरणा पनि बनेको छ।

विज्ञानका क्षेत्रमा सतिषले देखाएको उपलब्धि र दीर्घकालीन प्रयासले नेपाली युवाहरूमा विश्वस्तरीय प्रतिभा विकास गर्न ठूलो उत्प्रेरणा दिएको छ। आजको युगमा जहाँ ५न् र बुद्धिमान प्रविधिहरूले जीवनका सबै पक्षलाई परिवर्तन गरिरहेका छन्, त्यहाँ यस्ता वैज्ञानिकहरूको योगदान अनमोल छ।

सतिषले भविष्यमा अझ व्यापक अनुसन्धान र नवीन आविष्कार गर्दै नेपाललाई विश्व विज्ञान मञ्चमा उचाइमा पुर्याउने दृढ संकल्प व्यक्त गरेका छन्।