धनौजीमा सशक्तिकरण परियोजना संचालनमा

1 वर्ष पहिले प्रकाशित

Smrititimes

जनकपुरधाम
जेठ २७ गते ।
धनुषा जिल्लाको धनौजी गाउँपालिकामा तीन वर्षका लागि सशक्तिकरण परियोजना संचालन भएको छ । नेपालका शान्तिपुर्ण र समावेश िसमुदायका लागि सशक्तिकरण परियोजनाको स्थानीयकरण तथा कार्यान्वयन गर्ने सम्बन्धमा मंगलबार सो पालिकामा परियोजनाको बारेमा जानकारी तथा प्रथम बैठक सम्पन्न भएको छ ।कुर्वे उस्थ्रोको सहयोग तथा सपोर्ट नेपालको आयोजनामा तीन वर्षका लागि संचालित सो परियोजनाको बारेमा संस्थाका कोषाध्यक्ष कविता थापाले जानकारी गराउनु भएको थियो ।

सो पालिकाका अध्यक्ष राजकुमार साहको अध्यक्षतामा भएको बैठकमा परियोजना संचालनका बारेमा सहभागीहरुलाई परियोजनाले गर्ने कामहरुका बारेमा सपोर्ट नेपालका अध्यक्ष रोशना खड़काले जानकारी गराउनु भयो ।उहाँका अनुसार उक्त परियोजनाले विभेदरहित समतामुलक समाजको परिकल्पना गर्दै सहभागितामूलक विकासका लागि काम गर्ने जनाइएको छ ।

उक्त परियोजना गरिब, सिमान्तकृत तथा अन्पसंख्यक समुदायको क्षमता विकास गर्दै उनिहरुलाई विकासको मूलधारमा ल्याउन नीतिगत पहल गर्दै गाउँपालिकालाई लैँगिक समानता र सामाजिक समावेशिकरण नीति बनाई टोलविकास संस्था गठन गरिने जनाइएको छ । परियोजना अन्तरगतटोल विकास संस्था गठन र परिचालन कार्यविधि बनाउन सहजिकरण गर्ने तथा कार्यविधिहरुको अभ्यास गरी उचित कार्यान्वयन गर्न पालिका र सरोकारबलाहरुको क्षमता विकासमा सहयोग पुर्याउने अध्यक्ष खड़काले जानकारी गराउनु भयो ।

स्थानीय जनाता र सरकार बीच समन्वय र सहकार्यमा जनसहभागिता लगायत सार्वजनिक सेवा प्रबाहमा गरिब, बञ्चित र सिमान्तकृत समुदायहरुको सहज पहुँचका विषयलाई परियोजना समेटिने उहाँको भनाइ छ । सो कार्यक्रममा बोल्दै पालिकाका प्रमुख प्रशासकीय अधिकृत हरिशंकर यादवले स्थानीय तहलाई क्षमताबान बनाउन परियोजनाले सहयोग गर्ने जानकारी दिनुभयो ।

कार्यक्रमको अध्यक्षता गर्नुभएको पालिकाका अध्यक्ष राजकुमार साहले उक्त परियोजनाको सफल बनाउन पालिकाले समेत सहयोग गर्ने आश्वासन दिनुभयो । सो कार्यक्रममा सपोर्ट नेपालका परियोजनाका जिल्ला संयोजक प्रकाश ठाकुर,कार्यक्रम अधिकृत सत्रुघन महतो लगायतकाले सहजिकरण गर्नुभएको थियो । कार्यक्रममा धनौजी गाउँपालिकाका सबै वडाध्यक्ष, सदस्यहरु, कर्मचारीहरु, सपोर्ट नेपालका कर्मचारीहरुको उपस्थिती रहेको थियो ।