आयोगमा बास्तविक द्वन्द्व पीडित हुनुपर्ने शहीद परिवारको माग

2 महीना पहिले प्रकाशित

Smrititimes

जनकपुरधाम
असार १ गते । नेपाल सरकारले बनाएको सत्य निरुपन तथा मेलमिलाप आयोग र बेपत्ता पारिएका व्यक्तिको छानविन आयोगमा बास्तविक द्वन्द्व पीडितको सहभागिता हुनुपर्ने माग गरिएको छ । आम द्वन्द्व पीडित समुदायको आयोजनामा शनिबार जनकपुरधाममा आयोजित संकटग्रस्त संक्रमणकालिन न्याय प्रक्रिया अबको बाटो विषयक सरोकारबलाहरु बीच भएको अन्तरसम्बादमा बोल्दै सहभागीहरुले द्वन्द्व पीडितहरुको समस्या समाधान गर्न राज्य पक्ष उदासिन रहेको आरोप लगाइएको थियो । एडभोकेसी फोरमको संयोजनमा भएको सो कार्यक्रममा बोल्दै राष्ट्रिय मानव अधिकार आयोग मधेश प्रदेशका प्रमुख बुद्धनारायण सहनीले संक्रमणकालिन न्यायको विषय व्यवस्थापन नहुने मनोविज्ञानको विकास भएको बताउदै २० वर्ष सम्म द्वन्द्व पीडितहरुको समस्यालाई सम्बोधन नगर्नु कमीकमजोरी रहेको बताउनु भयो ।

उहाँले द्वन्द्व पीडितहरुको अधिकारका लागि आयोग सधै अगाडी रहेको बताउदै उहाँले द्वन्द्वकालिन विषयहरुको व्यवस्थापनका लागि आयोग प्रतिबद्ध रहेको उहाँले जानकारी दिनुभयो । कार्यक्रममा बोल्दै द्वन्द्व पीडित राष्ट्रिय सञ्जालका प्रदेश अध्यक्ष तथा कृेन्द्रिय सचिब बालकृष्ण श्रेष्ठले बेपता आयोगको वर्तमान पदाधिकारी विघटन भई पीडित सम्मिलित आयोग बन्नु पर्ने धारणा राख्नु भयो । अहिले सम्मको कुनै पनि सरकार द्वन्द्व पीडितको पक्षमा गम्भिर नरहेको आरोप लगाउदै आफुहरुको मागलाई सम्बोधन नगरिए यो आन्दोलनको रुपमा समेत लिन सकिने सम्भावना व्यक्त गर्नुभयो ।

कार्यक्रममा बोल्दै संक्रमणकालिन न्याय विज्ञसंतोष सिग्देल शर्माले संक्रमणालिन न्याय पीडितको पक्षमा नरहेको भन्दै यो विषयलाई तार्किक निश्कर्षमा पुर्याउनुपर्ने बताउनु भयो । सरकारले आयोगमा आफ्ना नजिकका मानिस राखेर बास्तविक द्वन्द्व पीडितहरुलाई फकाउने र तरसाउने काम गरिरहेको आरोप लगाउदै अन्तराष्ट्रि स्तरलाई देखाउन अर्थपुर्ण निर्कयोल नगरी अल्झाउने काम मात्र भएको आरोप लगाउनु भयो ।

द्वन्द्व पीडित राजीव कर्णले संचालन गर्नुभएको उक्त कार्यक्रम एडभोकेसी फोरमका कार्यकारी निर्देशक विकास बस्नेत, इन्सेकका मधेश प्रदेश संयोजक राजु पासमान,द्वन्द्व पीडित साझा चौतारीका अध्यक्ष सुमन अधिकारी, बेपत्ता परिवार समाजका अध्यक्ष रुपेश कुमार साह,मधेश शहिद प्रतिष्ठानका अध्यक्ष शुभम क्ुमार यादव,द्वन्द्व पीडित परिवारहरु सुमरिया पासमान, तारा महतो, मैया गिरी, फुलक्ुमारी महतो लगायतकाले मन्तव्य राख्नु भएको थियो ।