सशक्तिकरण परियोजनाको सन्दर्भ विश्लेषणको छलफल सम्पन्न

12 महीना पहिले प्रकाशित

Smrititimes

जनकपुरधाम
असार ३ गते ।
धनुषा जिल्लाको धनौजी गाउँपालिकामा संचालित सशक्तिकरण परियोजना सम्बन्धि पालिकास्तरीय सनदर्भ विश्लेषणको प्रारम्भिक छलफल सोमबार जनकपुरधाममा सम्पन्न भएको छ । शान्तिपुर्ण र समावेशी समुदायका लागि सपोर्ट नेपालद्वारा संचालित सो परियोजना अन्तरगत धनौजी गाउँपालिकामा संचालन भएपछि त्यहाँको वर्तमान अवस्थाका विषयमा सहभागी सबै सरोकारबलाहरु बिच समुहगत रुपमा छलफल भएको छ । कुर्वे वस्ट्रोको सहयोगमा संचालित सो परियोजनाको आयोजक संस्था सपोर्ट नेपालका अध्यक्ष रोशना खड़काको अध्यक्षतामा भएको सो छलफल कार्यक्रममा बोल्दै प्रमुख अतिथी पालिकाका अध्यक्ष राजकुमार साहले संघीय सरकारले बनाएको कानुुन नबाझिने गरी स्थानीय तहलाई कानुन बनाउन दिएको निर्देशनले आफुहरुलाई समस्या भईरहेको बताउनु भयो ।

उहाले पालिकाले बनाउने हरेक योजनाहरुमा दलित, विपन्न तथा सिमान्तकृत समुदायको सहभागिता रहेको बताउनु भयो । आफुहरुले दलित समुदायको लागि योजनाहरु दिएको बताउदै उहाँले शिक्षाको आभावमा समाजमा विभेद भईरहेकाले पालिकाले शिक्षामा विशेष धयान दिएर योजनाहरु ब्नाउने आश्वासन दिनुभयो । सो कार्यक्रममा बोल्दै पालिकाका प्रमुख प्रशासकीय अधिकृत हरिशंकर यादवले सपोर्ट नेपालको आयोजनामा पालिकामा संचालनमा रहेको शसक्तिकरण परियोजनामा पालिकाको कुनै पनि लगानी नभई यसले पालिकाको आन्तरिक सुशासनमा सहयोग गर्ने भएकाले यसको लाभ लिन सबै जनप्रतिनिधि तथा स्थानीयबासीलाई आग्रह गर्नुभयो ।

कार्यक्रममा बोल्दै सहयोगी संस्था कुर्वे वस्ट्रोका नेपालका प्रमुख भीम परियारले पालिका भित्र दिगो शान्ति र विकास निर्माणका लागि जनप्रतिनिधिहरुले सक्रियता देखाउनुपर्ने आवश्यक्ता औल्याउनु भयो । उहाँले कुनै पनि विषयमा द्वन्द्वका सम्भावनालाई न्युन गर्न पहल गर्नुपर्ने मा जोड दिनुभयो । सो छलफल कार्यक्रममा स्रोत व्यक्ति अभिवक्ता कपिल अर्यालले द्वनद्वका कारण र शन्तिका उपाय, द्वन्द्व सम्बन्धि बुझाई, समाजमा द्वन्द्वका कारणहरु लगायतका विषयमा सहजीकरण गर्नुभएको थियो । सहभागीहरुलाई परियोजनाका बारेमा सपोर्ट नेपालका कार्यक्रम व्यवस्थापक सरस्वती शेर्पाले जानकारी गराउनु भएको थियो ।

धनौजी गाउँपालिकाका पाँच वटै वडाका वडाध्यक्ष, कार्यपालिका सदस्य, सबै शाखाका प्रमुख तथा कर्मचारीहरु सहभागी भएको उक्त छलफल कार्यक्रमको संचालन परियोजनाका धनुषा संयोजक शत्रुघन महतोले गर्नुभएको थियो । कार्यक्रममा परियोजनाका महोत्तरी संयोजक प्रकाश ठाकुरले समेत सहजीकरण गर्नुभएको थियो ।