कल सुकेपछि मखनाहा र इनर्वामा आपातकालीन खानेपानी वितरण

11 महीना पहिले प्रकाशित

Smrititimes

जनकपुरधाम
साउन ६ गते ।
अहिलेको समयमा वर्षा नहुँदा पानीका मुहानहरु सुकिसकेको अवस्थामा खानेपानीको समस्यालाई तत्कालका लागि समाधान गर्न धनुषाको सबैला नगरपालिकाका केहि स्थानमा नियमित खानेपानी वितरण भईरहेको छ । ती क्षेत्रका कलहरुमा पानी आउन छाडेपछि विगत ३ दिन देखि सबैला नगरपालिकाको वडा नं. ५ मखनाहाका विभिन्न टोल तथा वडा नं. ११ इनर्वामा सामाजिक विकास र अनुसन्धान केन्द्रले खानेपानी वितरण गरिरहेको संस्थाका कार्यक्रम संयोजक विवश श्रेष्ठले जानकारी दिनुभयो ।

आम नागरिक खानेपानीको आभावमा त्राहिमाममा रहेको बेला सबैला नगरपालिकाको समन्वय तथा प्लान इन्टरनेसनल नेपालको सहयोगमा ५ सय ४ जना लाई पानी वितरण गरिरएको छ । ति वडाहरुमा रहेको घरहरुमा दैनिक ३ जार पानी वितरण भईरहेको उहाँले जानकारी दिनुभयो । तर, यसले पानीको समस्या समाधान नहुने स्थानीयबासीको भनाई छ ।

वाँडिएको पानीले तत्काल खानेपानीको समस्या समाधान भउपनि नुहाउने तथा पशुहरुका लागि समेत पानीको समस्या रहेकै स्थानीय श्रवण कापरले बताउनु भयो । ततकाल ७ दिन सम्म ति स्थानहरुमा दैनिक रुपमा प्रति परिवार ६० लिटर खानेपानी वितरण गरिने सामाजिक विकास र अनुसन्धान केन्द्रका सचिव सोनफी साहले जानकारी दिनुभयो । पानी नपर्दा सुख्खा भएर कल तथा धाराहरु सुकिसकेको कारण अहिले धनुषा जिल्लाका प्रायं सबै क्षेत्रमा पानीको हाहाकार छ ।

ति पानी वितरण कार्यक्रममा सहयोगी प्लानईन्टरनेशनल नेपालका प्रतिनिधि, सामाजिक विकास र अनुसन्धानका प्रतिनिधि तथा कर्मचारीहरुको सहभागिता थियो । उक्त खानेपानी वितरण कार्यमा जानकी महिला जागरण समाज(ज्वास) तथा सामुदायिक परिवार कल्याण संघ(सीएफडब्लुए)का कर्मचारीहरुले सहयोग गरेका थिए ।