धनौजीमा सामाजिक समावेशीकरण तथा लैँगिक समानता नीति २०८२ पारित

10 महीना पहिले प्रकाशित

Smrititimes

जनकपुरधाम
साउन १६ गते ।
धनुषा जिल्लाको धनौजी गाउँपालिकामा सार्वजनिक हितलाई ध्यानमा राखेर शुक्रबार सामाजिक समावेशीकरण नीति तथा लैँगिक समानता नीति २०८२ सर्वसम्मतीबाट पारित गरिएको छ । स्थानीय सरकार संचालन ऐनको अधिनमा रहेर धनौजी गाउँपलिकाका जनप्रतिनिधिहरुले सो नीतिहरु परित गरी अबउपरान्त यसै आधारमा कार्य संचालन गर्ने निर्णय समेत गरेको छ । सपोर्ट नेपालको आयोजना तथा कुर्वे वस्ट्रोको सहयोगमा संचालित शसक्तिकरण परियोजना अन्तरगत सो नीतिहरु परित भई त्यहि अनुसार अब काम गरिने निर्णय गरिएको छ । जनकपुरधाममा भएको धनौजी गाउँपालिकाको लौँगिक समानता नीति र सामाजिक समावेशिकरण नीति २०८२ पारित सम्बन्धी छलफल कार्यक्रममा सहभागी जनप्रतिनिधिहरुलाई प्रशिक्षक अधिवक्ता तथा प्राध्यापक अनिल उपाध्यायले दुबै नीतिका समबन्धमा विस्तृतमा जानकारी गराउनु भएको थियो ।

सो कार्यक्रमको अध्यक्षता गर्नु भएका धनौजी गाउँपालिकाका अध्यक्ष राजकुमार साहले विगतमा पालिकामा प्रशासन स्थित नरहेकाले समस्या भएको बताउदै उक्त नीतिहरु परित भएपछि अब विना विभेद नियमानुसार कामहरु संचालन हुने आश्वासन दिनुभयो ।

अध्यक्ष साहले पालिकाका कर्मचारिहरुलाई नीति अनुसार इमानदारिताका साथ काम गर्न आग्रह गर्दै पालिकाको क्षबि बनाउन कर्मचारीकै हातमा रहेको समेत बताउनु भयो । यता, सो कार्यक्रममा बोल्दै प्रमुख प्रशासकीय अधिकृत हरिशंकर यादवले यस्ता नीतिहरु पारित भएपछि कार्मचारीहरुलाई काम गर्न थप सजिलो हुने बताउनु भयो । उहाँले जनप्रतिनिधिहरुको विवादका कारण विगतमा काम नहूँदा कर्मचारीहरु माथि दोष लगाउन नमिल्ने बताउदै नीतिहरुका बारेमा सबै शाखाका कर्मचारीहरुले जानकारी पाएको बताउनु भयो ।

उहाँले सामाजिक समावेशिकरण तथा लैँगिक समानता सम्बन्धमा अबका दिनमा थप जिम्मेबारीका साथ पालिकाको सबै शाखाबाट काम हुने आश्वासन दिनु भएको थियो । सो कार्यक्रममा बोल्दै पालिकाका महिला बालबालिका तथा ज्येष्ठ नागरिक शाखाका प्रमुख शर्मिला साहले विगतको तुलनामा पालिकामा महिलाहरुमा सचेतना बढेको बताउनु भयो । पहिलाको तुलनामा जन्मदर्ता लगायतका व्यक्तिगत घटना दर्ता लगायतका विषयमा महिलाहरु आफै पालिकामा आउने गरेको समेत बताउनु भयो ।

सो कार्यक्रममा बोल्दै सपोर्ट नेपालका अध्यक्ष रोशना खड़काले यो नीतिहरु परित भएपछि पालिकामा महिला लगायतका सबै पक्षको पहुँच बढ्ने विस्वास व्यक्त गर्नुभयो । कार्यक्रममा धनौजी गाउँपालिकाका पाँच वटै वडाका वडाध्यक्ष, कार्यपालिका सदस्यहरुले नीतिहरु हस्ताक्षर गरि पारित गर्नुभएको थियो । कार्यक्रममा पालिकाका सबै शाखाका प्रमुखहरुको समेत उपस्थिती रहेको थियो । उक्त कार्यक्रमको सहजिकरण सशक्तिकरण परियोजनाका महोत्तरीका कार्यक्रम संयोजक प्रकाश ठाकुर तथा धनुषाका कार्यक्रम संयोजक शत्रुघन महतोले गर्नुभएको थियो ।