तिनकौरियामा अभिभावक शिक्षा प्रशिक्षक प्रशिक्षण सम्पन्न

7 दिन पहिले प्रकाशित

Smrititimes

जनकपुरधाम
भदौँ ६ गते ।
धनुषा जिल्लाको तिनकौरियामा महिला स्वास्थ्य स्वयंसेविकाहरुलाई तिन दिवसीय प्रारम्भिक बालविकासका लागि अभिभावक शिक्षा प्रशिक्षक प्रशिक्षण तालिम शुक्रबार सम्पन्न भएको छ । प्लान इनटरनेशनलको आर्थिक तथा प्राविधिक सहयोग तथा सामाजिक विकास र अनुसन्धान केन्द्रको आयोजनामा संचालित सशक्त वालिका परियोजना अन्तरगत विदेह नगरपालिका वडा नं..२,६ र ८ का १९ जना महिला स्वास्थ्य स्वयं सेविकाहरु तथा विगतका तालिममा छुटेका ४ जना स्वास्थ्यकर्मीलाई तीन दिने प्रशक्षिक प्रशक्षिण तालिम प्रदान गरिएको परियोजनाका कार्यक्रम संयोजक विवश श्रेष्ठले जानकारी दिनुभयो ।

यो दोस्रो चरणको तालिम सम्पन्न भएपछि समुदायमा रहेका गर्भ देखि ५ वर्ष उमेर समुहका वालवालिकाको अभिभावकलाई राखेर अभिभावक शिक्षा सत्र संचालन गरिने उहाँले जानकारी दिनुभयो । उहाँका अनुसार तालिममा प्रारम्भिक बालविकासको पाँच वठा ढााचा राम्रो स्वास्थ्य, पर्याप्त पोषण,सुरक्षा र संरक्षण, प्रारम्भिक सिकाई र उत्प्रेरणा लगायतका ढााचामा रहेका प्रारम्भिक बालविकासको २२ वटा बूँदामा रहेर समुदायमा अभिभावक शिक्षा सत्र संचालन गरिने श्रेष्ठले जानकारी दिनुभयो ।

उक्त तालिममा तालिम प्राप्त स्वास्थ्यकर्मीहरुबाट प्रशिक्षण दिइएको छ ।प्रारम्भिक बालविकास अन्तरगत गर्भदेखि ८ वर्ष सम्मका बालबालिकाहरुमा शारीरिक विकास,मानसिक विकास, भाषिक विकास, सामाजिक विकास तथा संवेगात्मक विकास रहेका छन् ।

उक्त तालिममा सामाजिक विकास र अनुसन्धान केन्द्रका फिल्ड सुपरभाइजर दिब्या झा, काजल यादव, जीवछ दास लगायतको सहभागिता रहेको थियो ।