धनौजी गाउँपालिका ३ झोझीमा टोल विकास संस्था गठन

5 महीना पहिले प्रकाशित

Smrititimes

जनकपुरधाम
भदौँ ९ गते ।
स्थानीय सरकार संचालन ऐन २०७४को अधिनमा रहि सोमबार धनुषा जिल्लाको धनौजी गाउँपालिका वडा नं.३ झोझीमा टोल विकास संस्था गठन भएको छ । स्थानीय रामबृक्ष साहको अध्यक्षतामा गठित ११ सदस्यीय टोल विकास संस्थाको उपाध्यक्षमारिना देवीठाकुर बड़ही, सचिवमा मुकेश यादव, कोषाध्यक्षमा रिंकु देवी मंडल तथा सदस्यहरुमा रामकली देवी मुखिया, ललिता देवी मुखिया, सिँहासन देवी यादव,श्याम मुखिया, पल्टु महरा, सुलेमान कवाडी तथा मटरु साह रहेका छन् ।

सो वडाका वडाध्यक्ष राम नारायण यादवको अध्यक्षतामा टोल विकास संस्था गठन तथा परिचालन सम्बन्धि अभिमुखिकरण कार्यक्रममा उपस्थित भएका स्थानीयबासीहरुबाट सर्व सम्मतीबाट समिति गठन भएको हो । सपोर्ट नेपालको आयोजना तथा कुर्वे उस्ट्रोको सहयोगमा संचालित शसक्तिकरण परियोजना अन्तरगत उक्त टोलमा भैरब टोल विकास संस्था गठन गरिएकोे सपोर्ट नेपालका धनुषाका कार्यक्रम संयोजक शत्रुघन महतोले जानकारी दिनुभयो ।

उक्त समिति गठन पछि पदाधिकारीहरु संग संस्थाको गठन पछिका कामहरुका बारेमा छलफल भएको उक्त कार्यक्रममा सहभागी कार्यक्रम संयोजक प्रकाश ठाकुरले जानकारी दिनुभयो । संस्था गठन भएपछि सहभागीहरुलाई संस्थाका कार्यबिधिका बारेमा विधिवत जानकारी गराई धनौजी गाउँपालिकाबाट कार्यविधि स्विकृत गराई टोल विकास संस्थाको विधान बनाई पारित गरी वडा कार्यालयबाट सिफारिस समेत लिई पालिकामा दर्ता गराउने निर्णय सर्बसम्मतबिाट भएको कार्यक्रम संयोजक महतोले जानकारी दिनुभयो ।

उक्त टोल विकास संस्थाले गर्नुपर्ने कार्यहरुका बारेमा सहभागीहरुलाई कार्यक्रम संयोजकद्वय ठाकुर र महतोले जानकारी गराउनु भएको थियो । सो कार्यक्रममा सपोर्ट नेपालका सदस्य गंगा प्रसाद साह, धनौजी गाउँपालिका वडा नं ३ का वडा सदस्यहरु दिनेश मुखिया , रोहित कुमार मुखिया, पालिकाका उद्यम विकास सहजकर्ता फेकन यादव तथा धनौजी गाउँपालिकामा स्थापना भएको नागरिक सहायता कक्षका कर्मचारी बिणा मंडल लगायतको स्थानीयवासीहरुको सहभागिता रहेको थियो ।

टोल विकास संस्थाले समुदायमा सद्भाव, शान्ति, सुरक्षा, अमनचयन, सहिष्णुता, भाईचार कायम गर्न सहयोग गर्ने, टोलमा संचालन हुने विकास निर्माणका योजनाहरु तर्जूमा, कार्यान्वयन र सुररिवेषण तथा अनुगमनमा सहयोग गर्ने,टोलमा हुने धार्मिक कार्यक्रम, मेला ,पर्व तथा समारोहको व्यवस्थापन गर्ने,कानुन बमोजिम तिर्नुपर्ने कर, दस्तुर,सेवाशुल्क बुझाउने कार्यमा सहजीकरण गर्ने,टोलमा हुने सार्वजनिक कामको नियमन गर्ने लगायतका विभिन्न २९ वटा कामहरु गर्नुपर्नेछन् । यो भन्दा पहिला आइतबार वडा नं. ५ बहुअर्वाको पासमान टोलमा सल्हेश टोल विकास संस्था गठन भएको थियो ।