सपोर्टले दिए टोल विकास संस्थालाई अभिमुखिकरण

10 महीना पहिले प्रकाशित

Smrititimes

जनकपुरधाम
असोज ६ गते ।
धनुषा जिल्लाको धनौजी गाउँपालिकाको दुई वटा वडामा गठन भएको टोल विकास संस्थाका पदाधिकारी तथा सदस्यहरुलाई क्षमता अभिबृद्धिका लागि अभिमुखिकरण शनिबार सम्पन्न भएको छ । सपोर्ट नेपालको आयोजना तथा कुर्वे उस्ट्रोको सहयोगमा संचालित शसक्तिकरण परियोजना अन्तरगत सो पालिकाको वडा नं. ३ झोझीकटैया भैरब टोल विकास संस्था तथा वडा नं. ५ बहुअर्वामा गठन भएका सल्हेश टोल विकास संस्थाका पदाधिकारीहरुलाई टोल विकास संस्थाको कार्यहरुका बारेमा अभिमुखिकरण दिइएको छ ।

संस्थाका उपाध्यक्ष सुनिल मल्लिकले सहभागी ३० जना पदाधिकारी तथा सदस्यहरुलाई समितिले अगामी दिनमा गर्ने कामहरुका बारेमा जानकारी दिनुभएको थियो । उहाँले टोल विकास संस्थाका अध्यक्ष, उपाध्यक्ष, सचिव,कोषाध्यक्ष तथा सदस्यहरुको काम, कर्तव्य र अधिकारका विषयमा जानकारी गराउदै टोलमा गर्ने कार्यका विषयमा वडा कार्यालयमा योजनाको खाका पेश गर्न सिकाउनु भएको थियो ।

उहाँले सहभागीहरुलाई गर्नु पर्ने कामहरुका बारेमा जानकारी गराउनु भएको थियो । सहभागीहरुलाई कार्यक्रमको माईन्युट लेख्ने विषयमा समेत जानकारी गराइएको थियो । सो अभिमुखिकरणमा सपोर्ट नेपालका कार्यक्रम व्यवस्थापक सरस्वती शेर्पा, संस्थाका धनुषाका कार्यक्रम संयोजक शत्रुघन महतो, महोत्तरी संयोजक प्रकाश ठाकुर, सदस्य गंगा प्रसाद साह तथा दुबै टोल सुधार संस्थाका पदाधिकारी एवम् सदस्यहरुको सहभागिता रहेको थियो ।