मधेशमा काँग्रेस नेतृत्वको नयाँ सरकार बन्ने पक्का कृष्णा प्रसाद यादवलाई मुख्यमन्त्री मान्न एमाले र जनमत तयार

4 महीना पहिले प्रकाशित

Smrititimes

जनकपुरधाम
असोज २२ गते ।
जेन जी आन्दोलनका क्रममा फेसबुक मार्फत राजीनामा दिएका मधेश प्रदेशका मुख्यमन्त्री सतिश कुमार सिँहलाई अल्पमतमा पारेर उहाँकै पार्टीको सहयोगमा काँग्रेस नेतृत्वको नयाा सरकार बनाउन बुधबार तिन दल सहमत भएका छन् । नेकपा एमालेले मुख्यमन्त्री सतिशकुमार सिंहलाई दिएको समर्थन फिर्ता लिँदै नयाँ सरकार गठनका लागि दाबी पेश गरेको छ । मुख्यमन्त्री सतिशकुमार सिंहले राजीनामा नदिएपछि नेकपा एमालेले समर्थन फिर्ता लिँदै नयाँ सरकारको लागि दाबी पेश गरेको हुन । नेपाली कांग्रेसका संसदीय दलका नेता कृष्णप्रसाद यादवलाई मुख्यमन्त्री बनाउन तीन दलले बहुमत सांसदको हस्ताक्षर सहित दाबी पेश गरेको हो।

नेकपा एमालेले आजै सतिशकुमार सिंहलाई दिएको समर्थन फिर्ता लिँदै सरकारमा रहेका आफ्ना चार मन्त्रीलाई फिर्ता बोलाएका थिए । काङ्ग्रेस एमाले र जनमतले आजै प्रदेश प्रमुख कार्यालयमा दाबी पेश गरेका हुन् । संविधानको धारा १६८ को उपधारा ९२० बमोजिम नयाँ सरकार गठनका लागि दावी पेश गरिएको छ । एमालेका २३, कांग्रेसका २२ र जनमतका १३ जना प्रदेशसभा सदस्यको समर्थनमा नयाँ सरकार गठनका लागि दावी पेश गरिएको हो ।

१०७ सदस्य प्रदेश सभामा सरकार बनाउन ५४ सदस्य आवश्यक पर्छ । जनमतबाट मुख्यमन्त्री बनेका सतिशकुमार सिंहले जिनजी आन्दोलनको क्रममा गत भदौ २४ गते फेसबुकबाट राजीनामा घोषणा गरेका थिए। तर अवस्था सहज भएपछि उनले पछाडि राजीनामा नदिने अडान लिँदै सदन फेस गर्ने बताएका थिए ।

जनमत संसदीय दलको निर्णयलाई समेत सिंहले बेवास्ता गरेपछि गत भदौ ३१ गते उसले आफ्ना मुख्यमन्त्री मन्त्री सहित फिर्ता बोलाएको र सरकारबाट समर्थन फिर्ता लिएको पत्र सभामुख रामचन्द्र मण्डललाई बुझाएको थियो । नयाँ सरकार बनाउन काँग्रेस सभापत शेरबहादुर देउवा तथा लोकतान्त्रिक समाजवादी पार्टीका अधयक्ष महन्थ ठाकुर बिच निरन्तर छलफल भएपनि मुख्यमन्त्रीमा सहमती नहूदा अगामी सरकारमा लोसपा सहभागी नहुने देखिएको छ ।