खानेपानी स्वच्छता तथा सरसफाई सम्बन्धि तालिम सम्पन्न

8 महीना पहिले प्रकाशित

Smrititimes

जनकपुरधाम
मंसिर ५ गते ।
धनुषा जिल्लाको कमला नगरपालिका वडा नंं १ र २ का महिला स्वास्थ्य स्वयंसेविका तथा स्वास्थ्यकर्मीहरुलाई खानेपानी तथा सरसफाई सम्बन्धि दुई दिने तालिम सम्पन्न भएको छ । प्लान इन्टरनेशनल नेपालको सहयोग कमला नगरपालिकाको समन्वय तथा सपोर्ट नेपालको आयोजनामा संचालित सशक्त वालिका परियोजना अन्तरगत स्वास्थ्यकर्मी तथा महिला स्वास्थ्य स्वयंसेविकाहरुलाई सो तालिम प्रदान गरिएको हो । तालिमको समापन सत्रमा बोल्दै प्रमुख अतिथि कमला नगरपालिकाका स्वास्थ्य शाखाका सह संयोजक अमरेश कुमार यादवले तालिममा सिकेका कुरालाई समुदाय, टोल तथा वडामा लागु गर्ने बताउनु भयो ।

उहाँले सहभागीहरुलाई यसमा गम्भिर हुन समेत आग्रह गर्नु भएको थियो । सो कार्यक्रममा सहभागीहरुलाई सह संयोजक यादवले नै प्रशिक्षण दिनु भएको थियो । तालिममा सहभागी भएका स्वास्थ्यकर्मी विजय साहले सरसफाई कुनै ठुलो कुरा नई मानिसहरुमा अल्छिपनाको कारण बुझेर पनि सरसफाईमा ध्यान नदिएको बताउनु भयो ।

अर्का सहभागी महिला स्वास्थ्य स्वयंसेविका निर्मला मंडलले दुइृ दिने तालिमले आफुहरुलाई सरसफाई तथा स्वक्षताका क्षेत्रमा धेरै जानकारी प्राप्त भएको बताउदै आफुहरुले सिकेका ज्ञानलाई समुदायमा प्रयोगमा ल्याउने बताउनु भयो । सो तालिममा सपोर्ट नेपालका अनुगमन मुल्यांकन अधिकृत अनिलकुमार साह, बेचन कुमार सिँह, लगायतको सक्रिय सहभागिता रहेको थियो ।