सशक्तिकरण परियोजनाको मटिहानीमा सामाजिक लेखा परिक्षण सम्पन्न

2 महीना पहिले प्रकाशित

Smrititimes

जनकपुरधाम
पुस १० गते ।
नेपालमा शान्तिपुर्ण र समावेशी समुदायको लागि महोत्तरीको मटिहानीमा संचालनमा रहेको सशक्तिकरण परियोजना एक वर्षको सामाजिक लेखा परिक्षण कार्यक्रम बिहिबार मटिहानी नगरपालिका वडा नं. ३ को कार्यालयमा सम्पन्न भएको छ । सपोर्ट नेपालको आयोजना तथा कुर्वे उस्त्रोेको सहयोगमा संचालित शसक्तिकरण परियोजना अन्तरगत उक वर्षमो सो पालिकामा भएका परियोजना अन्तरगतका कामहरुका बारेमा संस्थाका उपाध्यक्ष सनिल मल्लिकले जानकारी गराउनु भएको थियो ।

मटिहानी नगरपालिकाका नगर प्रमुख हरि प्रसाद मंडलको अध्यक्षतामा भएको सो सामाजिक लेखा परिक्षण कार्यक्रममा सहभागीहरुलाई जानकारी गराउदै उपाध्यक्ष मल्लिकले परियोजनाको उद्देश्यका बारेमा जानकारी दिदै अहिले सम्म गरिएको क्रियाकलापहरुका बारेमा प्रस्तुतीकरण गर्नुभएको थियो । परियोजना अनतरगतका कार्यक्रमहरु अझ प्रभावकारी बनाउन सुधार गर्नुपर्ने क्षेत्रहरु पहिचान गर्ने, समावेशी विकास ,सामाजिक सद्भाव र सकारात्मक शाीन्त प्रवद्र्धनका लागि अहिंँसात्मक उपायहरु अवलम्बन गर्ने उद्देश्यका बारेमा जानकारी गराउनु भएको थियो ।

प्रसतुतीकरणका क्रममा उहाँले परियोजनाको उपलब्धि तथा प्रगतीहरुका बारेमा भएका कामहरुका बारेमा जानकारी गराउनु भएको थियो । सो कार्यक्रममा बोल्दै मटिहानी नगरपालिकाका मेयर हरि प्रसाद मण्डलले समाबेशी समुदायलाई बलियो बनाउन परियोजना संचालन भएकाले आयोजकलाई धन्यवाद दिदै यसले पालिकाका विपन्न तथा सिमान्तकृत समुदायको अधिकारलाई सुरक्षित गर्न मदत गर्ने विस्वास व्यक्त गर्नु भयो ।

अगामी दिनमा समेत परियोजनाको कामलाई पालिकाले प्राथमिकताका साथ हेर्ने आश्वासन उहाँले दिनुभएको थियो । कार्यक्रममा सशक्तिकरण परियोजनाको कार्य प्रगति विवरण पेश भई त्यसको समिक्षा भएको थियो । सो सामाजिक लेखा परिक्षण कार्यक्रममा मटिहानी नगरपालिकाका उपप्रमुख मंजु देवी साह, प्रमुख प्रशासकीय अधिकृत चन्द्रशेखर शर्मा, वडाध्यक्षहरु,पालिकाका विभिन्न शाखाका प्रमुख तथा कर्मचारीहरु, सपोर्ट नेपालका सदस्य गंगा प्रसाद साह लगायतको उपस्थिती रहेको थियो । कार्यक्रममा सहजीकरण सपोर्ट नेपालका सशक्तिकरण परियोजनाका महोत्तरी संयोजक प्रकाश ठाकुरले गर्नुभएको थियो भने कार्यक्रमको संचालन परियोजनाका धनुषा संयोजक शत्रुघन महतोले गर्नुभएको थियो ।