सशक्तिकरण परियोजनाको धनौजीमा सामाजिक लेखा परिक्षण सम्पन्न

7 महीना पहिले प्रकाशित

Smrititimes

जनकपुरधाम
पुस ११ गते ।
नेपालमा शान्तिपुर्ण र समावेशी समुदायको लागि धनुषाको धनौजी गाउँपालकामा संचालनमा रहेको सशक्तिकरण परियोजनाको आर्थिक वर्ष २०८१–८२ को सामाजिक लेखा परिक्षण कार्यक्रम शुक्रबार सम्पन्न भएको छ । सपोर्ट नेपालको आयोजना तथा कुर्वे उस्त्रोेको सहयोगमा संचालित सशक्तिकरण परियोजना अन्तरगत एक वर्षमो सो पालिकामा भएका परियोजना अन्तरगतका कामहरुका बारेमा संस्थाका उपाध्यक्ष सनिल मल्लिकले जानकारी गराउनु भएको थियो ।

धनौजी गाउँपालिकाका अध्यक्ष राजकुमार साहको अध्यक्षतामा भएको सो सामाजिक लेखा परिक्षण कार्यक्रममा सहभागीहरुलाई जानकारी गराउदै उपाध्यक्ष मल्लिकले परियोजनाको उद्देश्यका बारेमा जानकारी दिदै अहिले सम्म गरिएको क्रियाकलापहरुका बारेमा प्रस्तुतीकरण गर्नुभएको थियो ।

परियोजना अन्तरगतका कार्यक्रमहरु अझ प्रभावकारी बनाउन सुधार गर्नुपर्ने क्षेत्रहरु पहिचान गर्ने, समावेशी विकास ,सामाजिक सद्भाव र सकारात्मक शाीन्त प्रवद्र्धनका लागि अहिंँसात्मक उपायहरु अवलम्बन गर्ने उद्देश्यका बारेमा जानकारी गराउनु भएको थियो । प्रस्तुतीकरणका क्रममा उहाँले परियोजनाको उपलब्धि तथा प्रगतीहरुका बारेमा भएका कामहरुका बारेमा जानकारी गराउनु भएको थियो ।

सपोर्ट नेपालका धनुषा जिल्ला संयोजक शत्रुघन महतोले प्रस्तुत गर्नुभएको प्रतिवेदन माथि छलफल गरी उक्त योजनाले धनौजी गाउँपालिकाको विकासमा पुर्याएको योगदान सम्बन्धि समिक्षा समेत गरिएको थियो ।

सो कार्यक्रममा बोल्दै धनौजी गाउँपालिकाका अध्यक्ष राजकुमार साहले सपोर्ट नेपालको सहयोगमा स्थापना भएको टोल विकास संस्थाकै माधयमले वडास्तरमा विकास निर्माणको काम गर्ने प्रतिवद्धता जाहेर गर्नुभयो । उहाँले बाँकी रहेको वडामा समेत टोल विकास संस्था गठन गर्न पालिकाले समेत सहयोग गर्ने बताउनु भयो ।

उहाँले समाबेशी समुदायलाई बलियो बनाउन परियोजना संचालन भएकाले आयोजकलाई धन्यवाद दिदै यसले पालिकाका विपन्न तथा सिमान्तकृत समुदायको अधिकारलाई सुरक्षित गर्न मदत गर्ने विस्वास व्यक्त गर्नु भयो । सो सामाजिक लेखा परिक्षण कार्यक्रममा धनौजी गाउँपालिकाका प्रमुख प्रशासकीय अधिकृत राजकुमार दास, विभिन्न वडाका वडाधयक्ष,पालिकाका विभिन्न शाखाका प्रमुख तथा कर्मचारीहरु लगायतको उपस्थिती रहेको थियो ।

कार्यक्रममा सहजीकरण सपोर्ट नेपालका सशक्तिकरण परियोजनाका महोत्तरी संयोजक प्रकाश ठाकुरले गर्नुभएको थियो भने कार्यक्रमको संचालन परियोजनाका धनुषा संयोजक शत्रुघन महतोले गर्नुभएको थियो ।