बाल अधिकार तथा बाल संरक्षणसम्बन्धी अभिमुखीकरण सम्पन्न

6 महीना पहिले प्रकाशित

Smrititimes

जनकपुरधाम
चैत ९ गते ।
भंगहा नगरपालिका क्षेत्रमा बाल अधिकार तथा बाल संरक्षणसम्बन्धी सचेतना सुदृढीकरण गर्ने उद्देश्यले एकदिने अभिमुखीकरण कार्यक्रम सफलतापूर्वक सम्पन्न गरिएको छ । दलित समाज उत्थान समिति नेपाल, महोत्तरीद्वारा आयोजना गरिएको उक्त कार्यक्रम गुड नेभार्स इन्टरनेसनल नेपालको आर्थिक तथा प्राविधिक सहयोग तथा भंगहा नगरपालिकाको समन्वयमा एकीकृत सामुदायिक विकास परियोजना अन्तर्गत ५ चैत २०८२ गते श्री राष्ट्रिय माध्यमिक विद्यालय, ४ बिर्तामा सम्पन्न भएको हो।
कार्यक्रममा भंगहा नगरपालिकाका प्रतिनिधिहरू, ११ वटा विद्यालयका विद्यालय व्यवस्थापन समिति – एसएमसी) तथा अभिभावक संघ (पिटिए) का पदाधिकारीहरू, आयोजक संस्थाका प्रतिनिधिहरू तथा गुड नेभार्स इन्टरनेसनलका प्रतिनिधिहरूको उल्लेखनीय सहभागिता रहेको थियो ।
अभिमुखीकरण कार्यक्रममार्फत विद्यालय तहमा बालबालिकाको अधिकार सुनिश्चितता, समुचित संरक्षण, सुरक्षित तथा बालमैत्री वातावरण निर्माण, र सकारात्मक व्यवहार प्रवद्र्धनसम्बन्धी विषयमा सहभागीहरूलाई सुस्पष्ट र व्यावहारिक जानकारी प्रदान गरिएको थियो। साथै, बाल अधिकार उल्लंघनका सम्भावित घटनाहरूको न्यूनीकरणका लागि स्थानीय तह, विद्यालय प्रशासन तथा अभिभावकबीच सुदृढ समन्वय, साझेदारी र उत्तरदायित्वको अपरिहार्यता माथि विशेष जोड दिइएको थियो।
यस कार्यक्रमले सहभागीहरूमा बाल अधिकार तथा संरक्षणसम्बन्धी ज्ञान, दृष्टिकोण र व्यवहारमा सकारात्मक रूपान्तरण ल्याउने विश्वास गरिएको छ । साथै, विद्यालय तथा समुदायस्तरमा दिगो, समावेशी र बालमैत्री वातावरण निर्माणमा कार्यक्रमले महत्वपूर्ण योगदान पुरÞ्याउने अपेक्षा गरिएको छ ।