बिसनपुरमा टोल विकास संस्था गठन

2 महीना पहिले प्रकाशित

Smrititimes

जनकपुरधाम
जेठ ४ गते ।
मटिहानी नगरपालिका वडा नं. ५ बिसनपुरमा सोमबार चमिनियाा माई टोल विकास संस्था गठन गरिएको छ । सो वडाका वडाध्यक्ष मिश्री नायकको अध्यक्षता तथा पालिकाका प्रमुख प्रशासकीय अधिकृत अर्जुन कुमार मंडलको प्रमुख आतिथ्यमा गठित ९ सदस्यीय टोल विकास संस्था गठन गरिएको छ । संस्थाका अध्यक्षमा उमेश कुमार मंडल, उपाध्यक्षमा रिंकु देवी यादव, सचिवमा भोगिन्दर महतो तथा कोषाध्यक्षमा बबिता मंडल सर्बसम्मतीबाट चयन भएका छन् । त्यस्तै सदस्यहरुमा उमेश कुमार महरा, चन्दर मडल, रञ्जु देवी साह तेली, संगिता कुमारी देवी तथा ममता मंडल रहेको आयोजक सपोर्ट नेपालका महोत्तरी जिल्ला कार्यक्रम संयोजक प्रकाश ठाकुरले जानकारी दिनुभयो ।
स्थानीय सरकार संचालन ऐन २०७४को अधिनमा रहि बिसनपुरमा रहेका विभिन्न जात जातिका व्यक्तिहरुको भेला बोलाई सर्बसम्मतीबाट सो संस्था गठन गरिएको आयोजकले जनाएको छ । सपोर्ट नेपालको आयोजना तथा कुर्वे उस्ट्रोको सहयोगमा संचालित शसक्तिकरण परियोजना अन्तरगत उक्त टोलमा संस्था गठन गरिएको छ ।

उक्त समिति गठन पछि पदाधिकारीहरु संग संस्थाको गठन पछिका कामहरुका बारेमा छलफल भएको उक्त कार्यक्रममा सहभागी सपोर्ट नेपालका धनुषाका कार्यक्रम संयोजक शत्रुघन महतोले जानकारी दिनुभयो । संस्था गठन भएपछि सहभागीहरुलाई संस्थाका कार्यबिधिका बारेमा विधिवत जानकारी गराई धनौजी गाउँपालिकाबाट कार्यविधि स्विकृत गराई टोल विकास संस्थाको विधान बनाई पारित गरी वडा कार्यालयबाट सिफारिस समेत लिई पालिकामा दर्ता गराउने निर्णय सर्बसम्मतबिाट भएको कार्यक्रम संयोजक महतोले जानकारी दिनुभयो । सो कार्यक्रममा मटिहानी नगरपालिकाका प्रविधिक शाखाका कर्मचारी नरेश मंडल,वडा नं. ५ का सचिव दिनेश यादव,सपोर्ट नेपालका सदस्य समिन घिमिरे तथा स्थानीयबासीहरुको सहभागिता रहेको थियो ।
टोल विकास संस्थाले समुदायमा सद्भाव, शान्ति, सुरक्षा, अमनचयन, सहिष्णुता, भाईचार कायम गर्न सहयोग गर्ने, टोलमा संचालन हुने विकास निर्माणका योजनाहरु तर्जूमा, कार्यान्वयन र सुररिवेषण तथा अनुगमनमा सहयोग गर्ने,टोलमा हुने धार्मिक कार्यक्रम, मेला ,पर्व तथा समारोहको व्यवस्थापन गर्ने,कानुन बमोजिम तिर्नुपर्ने कर, दस्तुर,सेवाशुल्क बुझाउने कार्यमा सहजीकरण गर्ने,टोलमा हुने सार्वजनिक कामको नियमन गर्ने लगायतका विभिन्न २९ वटा कामहरु गर्नुपर्नेछन् । नव गठित संस्थाका बैधानिक रुप दिन विधानको आवश्यक्ता हुने भएकाले गौरेश्वर टोल विकास संस्थाको विधान बनाई सो विधानलाई पारित गर्न समेत सर्बसम्मतिले निर्णय भएको कार्यक्रम संयोजक ठाकुरले जानकारी दिनुभयो ।उक्त टोल विकास संस्थालाई वडा कार्यालयमा समेत दर्ता गराई वडाको विकासमा हातेमालो गर्न निर्णय भएको छ ।