सरकार आ चिकित्सक संघक बीच ५ बुँदा पर सहमतिकबाद आन्दोलन भेल स्थगित

2 महीना पहिले प्रकाशित

Smrititimes

काठमाण्डु
साउन १३ गते ं । स्वास्थ्यकर्मीसभ पर भेल मारिपिट आ दुव्र्यवहारक घटनाक बाद उत्पन्न विवाद समाप्त करबाक लेल सरकार आ नेपाल चिकित्सक संघक बीच पाँच बुँदामे सहमति भेल अछि ।
बुधदिन स्वास्थ्य तथा खाद्य स्वच्छता मन्त्रालयमे कानून, गृह तथा उद्योग मन्त्रालयक प्रतिनिधिसभ आ नेपाल चिकित्सक संघक पदाधिकारीसभक बीच भेल विस्तृत वार्ताक बाद सहमतिपत्र पर हस्ताक्षर कएल गेल । सहमति भेला संगहि नेपाल चिकित्सक संघ अपन सभ आन्दोलनक कार्यक्रम तत्काल लेल स्थगित करैत देशभरिमे नियमित स्वास्थ्य सेवा फेर सँ सुचारु करबाक निर्णय कएलक ।
वार्ताक क्रममे सरकार ‘स्वास्थ्यकर्मी तथा स्वास्थ्य संस्थाक सुरक्षा सम्बन्धी ऐन, २०६६’ केँ पूर्ण आ प्रभावकारी रूप सँ कार्यान्वयन करबाक प्रतिबद्धता जनौलक ।
सहमति अनुसार, ऐनक प्रावधानसभ व्यवहारमे लागू करबाक लेल आवश्यक निर्देशिका जल्दीये तैयार कएल जाएत । एकर अतिरिक्त, स्वास्थ्य संस्थामे तोडफोड करएवाला आ स्वास्थ्यकर्मीसभ पर हमला करएवालासभ विरुद्ध कड़ा कानूनी कारबाही करबाक लेल सम्बन्धित मन्त्रालयसभक बीच प्रभावकारी समन्वय कएल जाएत । एहिसँ अतिरिक्त, स्वास्थ्य संस्थासभक सुरक्षा व्यवस्था मजबूत बनेबाक उद्देश्यसँ नेपाल चिकित्सक संघक सहभागितामे एकटा विशेष कार्यदल गठन कएल जाएत । ई कार्यदल सुरक्षा नीतिक कार्यान्वयन तथा प्रगतिक नियमित समीक्षा करैत आवश्यक सुझाव सेहो देत ।