मालबाहक रेल संचालन गर्न महाप्रवन्धकलाई वाणिज्य संघको ध्यानाकर्षण पत्र

2 वर्ष पहिले प्रकाशित

Smrititimes

जनकपुरधाम ,२८ गते । भारतको जयनगर देखि नेपालको बिजलपुरासम्म हाल संचालनमा रहेको नेपाल रेल्वेमा यात्रुबाहक रेल संगै मालबाहक रेल समेत समेत संचालन गर्न जनकपुरधाम उद्योग वाणिज्य संघले नेपाल रेल्वेका महाप्रवन्धक निरन्जन कुमार झालाई आज आइतबार ज्ञापनपत्र बुझाएका छन् । झाको कार्यकक्षमा पुगेर संघका अध्यक्ष जितेन्द्र कुमार महासेठको अगुवाईमा गरेका पदाधिकारीहरुले ज्ञापनपत्र बुझाउदै उक्त माग गरेका हुन । ज्ञापनपत्र बाचन गर्दै अध्यक्ष महासेठले २०७८ चैत १९ गते नेपाल र भारतका प्रधानमन्त्रीबाट संयूक्त रुपमा उद्घाटन भएको उक्त रेलमा मालबाहक रेल समेत संचालन भए व्यापारिक दृष्टिकोणले लाभप्रद हुने जनाइएको छ । । हाल भारतको विभिन्न प्रदेशहरु ल्गायत तेस्रो मुलुकहरुबाट आउने सामानहरु भारतको हल्दीया (पश्चिम बंगाल )तथा बिशाखापट्नम (आन्ध्र प्रदेश) बन्दरगाहहरुबाट मालसामानहरु नेपाल भारत रेल सेवाबाट जनकपुरधाम सम्म ल्याउने सम्पुर्ण सेवाहरु संचालन भईसकेकाले मालबाहक रेलको व्यवस्थापन गर्न माग गरिएको छ ।

ज्ञापनपत्र बुझ्दै नेपाल रेल्वेका महाप्रवन्धक झाले जयनगर कुर्था खण्डमा यात्रु तथा मालबाहक रेल संचालन गर्न सहमती भएको जानकारी गराउदै २०८० पुस २४ भौतिक पुर्वाधार तथा यातायात मन्त्रालयमा यसका लागि पत्राचार गरेको जानकारी गराउनु भयो । उहाँले सो मन्त्रालय हुदै अर्थ मन्त्रालय मार्फत भारतीय दुताबासमा समेत पत्राचार भई प्रक्रिया अगाडी बढाईसकेको जानकारी गराउनु भयो । यसका साथै रेल्वेको ट्रयाकको मरम्मत तथा रेलको मरम्मत समेत प्रक्रियामा रहेको बताउनु भयो । ज्ञापनपत्र बुझाउन संघका पुर्व अध्यक्ष निर्मल चौधरी, वरिष्ठ उपाध्यक्ष मनिष रमन साह, मासचिवमनोज कुमार साह, कोषाध्यक्ष परमेश्वर साह लगायतका कार्यसमितिका सदस्यहरुको सहभागिता रहेको थियो ।