बिवाईडी(BYD) दोस्रो इन्टर स्कुल टी–२० क्रिकेट : गोगल प्रसाद मा.वि. र संकटमोचन मा.वि. विजय

2 वर्ष पहिले प्रकाशित

Smrititimes

जनकपुरधाम,माघ २९ गते । जनकपुरधाममा दोस्रो इन्टर स्कुल टी–२० क्रिकेट प्रतियोगिता अन्तर्गत भएको आजको खेलमा गोगल प्रसाद मा.वि. र संकटमोचन मा.वि. विजय भएका छन ।

आजको पहिलो खेलमा गोगल प्रसाद मा.वि.र जनक इङलिस बोर्डिङ स्कुल बीच खेल भएको थियो जसमा गोगल प्रसाद मा.वि. ले टस जितेर सुरुवातमा जनक इङलिस बोर्डिङ स्कुल लाई ब्याटिङका लागि आमन्त्रण गरेका थिए । जनक इङलिस बोर्डिङ स्कुल खेलाडीहरु निर्धारित २० ओभर पनि खेल्न सकेन। यस खेलमा जनक इङलिस बोर्डिङ स्कुलका खेलाडीहरुले ७ ओभर ३ बलमा सबै विकेट गुमाएर ३० रन मात्र बनाउन सक्यो। जनक इङलिस बोर्डिङ स्कुल ले ३१ रनको झिनो लक्ष्य प्रतिद्धन्धी टिम समक्ष प्रस्तुत गरेका थिए । यस टिमका लागि एम डि ईब्राहिम ले ३ बलमा ५ रन र केशव गुप्ता ले ५ बलमा ५ रनको योगदान दिएका थिए।

गोगल प्रसाद मा.वि. का लागि बलिङ गरेका विमलेश सहनी ले ३ ओभर ३ बलमा मा १३ रन खर्चेर ४ विकेट र धिरज दास ले १ ओभरमा ३ रन खर्चेर २ विकेट लिए ।

जवाफ ब्याटिङका लागि आएका गोगल प्रसाद मा.वि. ले २.३ ओभरमा विना कुनै विकेट को क्षतिमा सजिलै ३६ रन बनाएर १० विकेटले जीत हासिल गर्यो । यस टिमका लागि अविनाश निधि नट आउट रहदै ल १० बलमा १७ रन र विमलेश सहनीले पनि नट आउट रहदै ८ बलमा २० रन बनाए । जनक इङलिस बोर्डिङ स्कुल का लागि बलिङ गरेका ईमरामन खान ले २.३ ओभरमा १३ रन खर्चेर कुनै विकेट हासिल गर्न सकेन र केशव गुप्ताले एक ओभरमा १६ रन खर्चेर कुनै विकेट हासिल गर्न सकेन । यस खेलको म्यान अफ दी म्याच गोगल प्रसाद मा.वि. का बिमलेश सहनी घोषित भएका थिए । यस खेलको म्यान अफ द म्याचको उपाधी उद्योग बाणिज्य संघ जनकपुरका पुर्व अध्यक्ष शिव शंकर साह "हिरा" द्वारा हस्तान्तरण गरिएको थियो।

त्यस्तै आजको दोस्रो खेल मिथिला मन्टेशरी स्कुल र संकटमोचन मा.वि. बीच भएको थियो जसमा मिथिला मन्टेशरी स्कुल ले टस जितेर सुरुवातमा ब्याटिङका रोजेको थियो । मिथिला मन्टेशरी स्कुल का खेलाडीहरु १९.५ ओभरमा ८ विकेट गुमाएर १३० रनको लक्ष्य प्रतिद्धन्धी टिम समक्ष प्रस्तुत गरेका थिए । यस टिमका लागि सुधीर यादव ले २४ बलमा २१ र भरत साहले २९ बलमा ३० रनको योगदान दिएको थियो ।

संकटमोचन मा.वि. को तर्फबाट लागि बलिङ गरेका निखिल यादव ले चार ओभरमा २१ रन खर्चेर तीन विकेट र अजित मिश्रा ले चार ओभरमा २७ रन खर्चेर तीन विकेट लिए ।

जवाफ ब्याटिङका लागि आएका संकटमोचन मा.वि. ले १८.१ ओभरमा ७ विकेट गुमाएर १३२ रन बनाएर ३ विकेट ले जीत हासिल गर्यो । यस टिमका लागि अंकित यादव ले ३६ बलमा ५६ बनाए भने अमित झा ले १६ बलमा १२ रन बनाए । यस खेलको म्यान अफ दी म्याच संकटमोचन मा.वि. का अंकित यादव घोषित भएका थिए । मिथिला मन्टेशरी स्कुल का लागि बलिङ गरेका सुधीर यादव ले चार ओभरमा २१ रन खर्चेर ४ विकेट र भरत साह ले चार ३.१ ओभरमा २५ रन खर्चेर ३ विकेट लिए । यस खेलको म्यान अफ द म्याचको उपाधी पेट्रोलियम डिलर्स एसोसियनका जनकपुरका नव नियुक्त अध्यक्ष श्री किशुनदेव साह द्वारा हस्तान्तरण गरिएको थियो।

प्रतियोगितामा १६ वटा विद्यालयले भाग लिएका छन् । खेल आइसीसी मान्यता अनुसार भइरहेको छ भने यो प्रतियोगिता जनकपुर स्पोर्टस क्लव र न्यु भिजन नेपालको आयोजनामा प्रतियोगिता भईरहेको छ। भोलि पनि दुईवटा खेल हुने आयोजक जानकारी दिएको छ।