खाद्य स्वच्छता तथा गुणस्तर नियमन सम्बन्धी प्रदेश स्तरीय गोष्ठी सम्पन्न

2 वर्ष पहिले प्रकाशित

Smrititimes

जनकपुरधाम , चैत ८ गते ।बजारमा पाइने उपभोग्य खाद्य बस्तुहरुको गुणस्तरीगतालाई ध्यानमा दिएर मात्र उत्पादन तथा विक्री गर्न व्यवसायीहरुलाई आग्रह गरिएको छ । खाद्य प्रबिधि तथा गुण नियन्त्रण कार्यालय जनकपुरधामको आयोजनामा बिहिबार भएको प्रदेश स्तरीय खाद्य स्वच्छता तथा गुणस्तर नियमन सम्बन्धी गोष्ठी बोल्दै कार्यालयका प्रमुख हस्त बहादुर राईले गुणस्तरीय खाद्यका लागि उपभोक्ताहरुले समेत सचेत हुनुपर्ने आवश्यक्ता रहेको बताउनु भयो ।

उहाँको अध्यक्षता तथा जिल्ला समन्वय समिति धनुषाका प्रमुख राजनन्दन मंडलको प्रमुख आतिथ्यमा भएको सो गोष्ठीमा कार्यालयका खाद्य अनुसन्धान अधिकृत रत्न कान्त झाले खाद्य सुरक्षा तथा गुणस्तरीयता सम्बन्धी भएको कामहरुका बारेमा कार्यपत्र प्रस्तुत गर्नुभएको थियो । उहाँले राष्ट्रिय खाद्य नियन्त्रण प्रणाली , खाद्य प्रविधि तथा गुण नियन्त्रण कार्यालय जनकपुरधामले गरेका गतिबिधिहरु लगायतका विषयमा कार्यपत्र प्रस्तुत गनर््ुभएको थियो । सो गोष्ठीमा जनकपुरधाम उद्योगा वाणिज्य संघका अध्यक्ष जितेन्द्र महासेठले उपभोक्ता तथा व्यवसायीका क्षेत्रमा खाद्य प्रविधि तथा गुण नियन्त्रण कार्यालय जनकपुरधामले गरेको कामहरुका बारेमा मन्तव्य राख्नु भएको थियो ।

उहाँले व्यवसायीहरु प्नि आफ्नो व्यवसाय बाहेकका क्षेत्रमा उपभोक्ता नै रहेको खाद्य उपभोग्य बस्तुको स्वच्छता तथा यसको गुणस्तरीयतामा समेत ध्यान दिएर मात्र व्यवसाय गर्नुपर्ने बताउनु भएको थियो । सो गोष्ठीमा प्रदेश भरीका खाद्य प्रबिधि तथा गुण नियन्त्रण डिभिजन कार्यालय, खाद्य आयात निर्यात गुण प्रमाण्किरण कार्यालय, गुणस्तरीय तथा नाप तौल कार्यालय, घरेलु तथा साना उद्योग कार्यालय लगायतका खाद्य संग सम्बन्धीत कार्यालयका प्रतिनिधिहरु त्था व्यवसायीको सहभागिता रहेको खाद्य प्रविधि तथा गुण नियन्त्रण कार्यालय जनकपुरधामका खाद्य निरिक्षक प्रविण तिवारीले जानकारी दिनुभयो ।