ग्रीन स्पेस नेपाल जनकपुरको आयोजनामा ७ दिने मेहन्दी तालिम

23 दिन पहिले प्रकाशित

Smrititimes

दीपेश मल्लिक

जनकपुरधाम, चैत २८ गते । ग्रीन स्पेस नेपाल जनकपुरधामको आयोजनामा ७ दिने मेहन्दी तालिमको आयोजना भएको छ ।

मेहन्दी तालिममा २२ जना महिला विद्यार्थीहरु सहभागि भएको ग्रीन स्पेस नेपालका सल्लाहकार जमुना भुजेलले बताईन ।

ग्रिन स्पेस नेपाल तथा जनकपुर हेन्डमेड आर्ट र क्राफ्टको संयुक्त आयोजनामा बिहिवार २२ गते देखि २८ गते बुधवार सम्म विद्यार्थीहरुलाई मेहन्दी तालिमको प्रशिक्षण दिइएको हो ।

तालिममा प्रमाणपत्र वितरण गर्दै मधेश प्रदेश खेलकुद तथा समाज कल्याण मन्त्रालयका महाशाखा प्रमुख एवं प्रमुख अतिथि देव कुमारी शर्मा खत्रीले आय आर्जनको बालियो स्रोतको रुपमा मेहन्दी तालिम रहेको बताईन ।

उनले तालिम र सिपले महिलाहरु आर्थिक क्षेत्रमा बालियो हुनुको साथै आत्म निर्भर भएर अगाडि बढछिन् भनि ध्यानाकर्षण गराईन ।

उनले वैदेशिक रोजगारमा भोग्नु परेको पिडालाई अवगत गराउदै महिलाहरु सिप सिकेर घर भित्र नबसि आयआर्जन तिर केन्द्रितहुन प्रेरित गरिन् ।

ग्रीन स्पेस नेपाल जनकपुरका अध्यक्ष धिरज साहको अध्यक्षतामा सम्पन्न कार्यक्रममा नेपाल पत्रकार महासंघ मधेश प्रदेशकी उपाध्यक्ष ज्योति झा, नेपाल पत्रकार महासंघ धनुषाका सचिव बटुकनाथ झा, युवा अभियन्ता आशुतोष कुमार झा , प्रशिक्षक प्रियंका साह, आरति कुमारी झा , ग्रीन स्पेस नेपालकी सदस्य किरण साह लगायतका वक्ताहरुले आ–आफ्ना शुभकामना मन्तव्य प्रकट गरेको छन् ।