कठालका स्वास्थ्य स्वयंसेविकाहरुलाई प्रशिक्षक प्रशिक्षण तालिम प्रदान

3 महीना पहिले प्रकाशित

Smrititimes

जनकपुरधाम
भदौँ ६ गते । धनुषा जिल्लाको जनकनन्दिनी गाउँपालिका वडा नं.६ बल्हा कठालमा संचालनमा रहेको अभिभावक शिक्षा समुह अन्तरगत बाल विकासका पक्षहरु सम्बन्धमा प्रशिक्षक प्रशिक्षण तालिम दिइएको छ । प्लान ईन्टरनेसन नेपालको आर्थिक सहयोग तथा सामाजिक विकास र अनुसन्धान केन्द्रको साझेदारीमा संचालित सशक्त बालिका परियोजना (गल्र्स स्टेन्डिङ स्ट्रोङ प्रोजेक्ट) अन्तरगत महिला स्वास्थ्य स्वयंसेविकाहरुलाई दुई दिने प्रशिक्षक प्रशिक्षण दिइएको हो । गर्भ देखि दुई वर्ष सम्मका बालबालिकाको चरणबद्ध रुपमा हुने बाल विकासका क्रममा अभिभावकबाट गरिने क्रियाकलापहरुका बारेमा आम नागरिकलाई जानकारी गराउन महिला स्वास्थ्य स्वयंसेविकाहरुलाई सो तालिम प्रदान गरिएको परियोजनाका फिल्ड सुपरभाइजर विजय साहले जानकारी दिनुभयो । उहँका अनुसार सो तालिममा सहभागी ९ जना स्वास्थ्य स्वयंसेविका तथा एक जना स्वास्थ्यर्मी दिपनारायण महरालाई प्रशिक्षक किरण दास तथा राजिव यादवले प्रशिक्षण दिनुभएको हो । प्रशिक्षणका क्रममा सहभागीहलाई प्रारम्भिक वाल्यावस्थाका विकासात्मक चरणहरु, विशेषता तथा व्यवहारका विषयमा सविस्तार जानकारी गराइएको छ । वाल्यावस्थाका बालबालिकाहरुको संवेगात्मक विकासका चरणहका बारेमा समेत सहभागीहरुलाई प्रशिक्षकले जानकारी गराउनु भएको फिल्ड सुपरभाइजर साहले जानकारी दिनुभयो । उमेर अनुसार शिशुहरुको क्रियाकलाप भईरहेका छ कि छैन त्यो ध्यानमा राखि उनिहरुको विकासात्मक अवस्थाअनुरुप उचित स्याहार र हौसला प्रदान गर्ने विषयमा समेत सहभागीहरुलाई जानकारी गराइएको थियो । उक्त तालिम पछि महिला स्वास्थ्इस्वयं सेविकाहरुले आफ्ना वडा तथा छिमेकमा रहेका शिशु तथा बालबालिकाहरुको विभिन्न उमेरका विकासात्मक व्यवहार पहिचान गर्न सकिने तथा उनिहरुको सर्वाङ्गिण विकासलाई गति दिन उपयुक्त क्रियाकलापहरु बताउन सकिने प्रशिक्षकको भनाई छ । बालबालिकाको सामाजिक, मानसिक संबेगात्मक, बौद्धिक , भाषिक विकासका लागि आमा जस्तै बुवाले पनि स्याहारसुसारमा ध्यानदिनुपर्ने प्रशिक्षकले बताउनु भयो ।