सार्वजनिक शिक्षा सुदृढिकरणका लागि नागरिक समाजको क्षमता अभिबृद्धि तालिम सुरु

11 महीना पहिले प्रकाशित

Smrititimes

जनकपुरधाम
भदौँ १६ गते ।
सामुदायिक विद्यालयहरुमा निःशुल्क, समावेशी र समतामुलक शिक्षा सुनिस्चितताको लागि नागरिक समाजको तिन दिने क्षमता अभिबृद्धि कार्यशाला आइतबार देखि जनकपुरधाममा सुरु भएको छ । राज्यले संचालन गरेको सामुदायिक विद्यालयको शिक्षाको स्तरलाई गुणस्तरीय बनाउन नागरिक समाजको भुमिका महत्वपुर्ण भएपनि बर्तमान अवस्थामा उनिहरुको कार्यदक्षतामा कमि देखिएकाले मधेश प्रदेशका विभिन्न सरोकारबलाहरुको सहभागितामा सुरु भएको सो कार्यशालाको पहिलो दिन प्रशिक्षकहरुले नागरिक समाजको अपरिहार्यतालाई सहभागीहरु समक्ष प्रस्तुत गर्नुभएको थियो ।

युरोपियन युनियनको सहयोगमा शिक्षाका लागि राष्ट्रिय अभियान नेपाल(एनसिई)को आयोजनामा एवम् साझेदार संस्था GAN तथा NDWA को समन्वयमा भएको सो कार्यशालामा प्रशिक्षक बिमल कु फुयाँल तथा रामचन्द्र पौडेलले र्साजनिक शिक्षा सुदृढिकरणको पैरवी तथा अभियानको लागि सहभागीहरुलाई प्रशिक्षण दिनुभएको छ । कार्यशालाको पहिलो दिनको उद्घाटन सत्रको संचालन एनसिईका मधेश प्रदेश संयोजक लक्ष्मेश्वर मंडलले गर्नुभएको थियो भने सहभागीहरुलाई स्वागत एनसिईका धनुषा संयोजक कमलेश मंडलले गर्नुभयो । राज्य पक्षको पर्याप्त लगानी भएपनि सामुदायिक विद्यालयहरुको शैक्षिक गुणस्तरीयतामा कमि आउदै गरेकाले सार्वजनिक शिक्षाको सुदृढिकरणका लागि नागरिक समाजको दवावमुलक सहभागिता अपरिहार्य रहेको देखिन्छ ।

सो कार्यशालामा कार्यशालामा एनसिईका कार्यक्रम प्रवन्धक राम गैरे, सचिव टेकराज अवस्थी लगायतका पदाधिकारी तथा कर्मचारीहरु,मधेश प्रदेशका विभिन्न जिल्लाका शिक्षक, विद्यालय व्यवस्थापन समितिका अध्यक्ष, शिक्षक अभिभावक संघका पदाधिकारी, अपांगता समन्वय समितिका सदस्य,एनसिई धनुषाका सदस्य संस्थाका पदाधिकारीहरु लगायतका सहभागिता रहेको छ ।