द्रुत सिकाईका लागि भ्ांगहाका शिक्षकलाई तालिम प्रदान

1 वर्ष पहिले प्रकाशित

Smrititimes

जनकपुरधाम
भदौँ १९ गते ।
कोरोना महामारीका बेला सिकाई क्षति भएका विद्यार्थीहरुको द््रुत सिकाईका लासग महोत्तरीको भंगहा नगरपालिकाका आधारभूत तहका एक सय ११ जना शिक्षकलाई क्षमता अभिबृद्धि तालिम प्रदान गरिएको छ । बिभिन्न चार वटा समुह बनाएर चार चरणमा द्रुत सिकाईका लागि शिक्षकहरुको शिक्षण क्षमता अभिबृति तालिम प्रदान गरिएको पिपुल प्रमोट सेन्टरका उपाध्यक्ष जगदीश ठाकुरले जानकारी दिनुभयो । आधारभूत विद्यालयका कक्षा ३ देखि ५ सम्मका विद्यार्थीहरु मध्ये नेपाल, अंग्रेजी, विज्ञान र गणित विषयमा सिकाई क्षति भएकाहरुको द्रुत सिकाई प्रबिधिबाट सिकाउन शिक्षकहरुलाई पिपुल प्रमोट सेन्टरले शिक्षकहरुलाई प्रशिक्षण दिएको हो । सो प्रशिक्षणमा सहभागी आधारभुत शिक्षकहरुलाई प्रशिक्षक रीमा कर्ण तथा नवराज दहालले प्रशिक्षण दिनुभएको छ । प्रशिक्षणको समापन सत्रमा मंगलबार बोल्दै संस्थाका उपाध्यक्ष जगदीश ठाकुरले सिकाई क्षती भएका विद्यार्थीहरुलाई राम्ररी पढाई उनिहरुको सिकाई प्रगति गर्न प्रशिक्षणमा सहभागी शिक्षकहरुलाई आग्रह गर्नुभयो ।
यूनिसेफको आर्थिक सहयोगमा मधेश प्रदेशमा गुणस्तरीय शिक्षा ल्याउन विद्यालय शिक्षा क्षेत्र योजना र बजेट विकास गर्न स्थानीय सरकारको क्षमतालाई सुदृढ गर्न पिपुल प्रमोट सेन्टरको आयोजनामा भंगहा नगरपालिका अनतरगतका सामुदायिक विद्यालयहरुमा दृत सिकाईको लागि शिक्षकहरुको शिक्षण क्षमता अभिबृद्धि तालिम प्रदान गरिएको संस्थाका अध्यक्ष कमलेश मंडलले जानकारी दिनुभयो । प्रशिक्षणमा सहभागीहरुलाई बूँदागत रुपमा सिकाई क्षेत्रको परिचय, सिकाई क्षतिको अवस्था, सिकाई स्तरको पहिचान गरी विद्यार्थीहरुलाई सिकाई स्तरको अभिलेख कसरी राख्ने , नतिजा विश्लेषण लगायतका विषयमा प्रशिक्षण दिइएको आयोजकले जनाएको छ । प्रशिक्षणका समापन सत्रको बोल्दै भंगहा नगरपालिकाका शिक्षा शाखा प्रमुख नरबहादुर पाख्रिनले तालिममा सिकेका विधिबाट सिकाई क्षति भएका विद्यार्थीहरुलाई सिकाउन सहभागी शिक्षकहरुलाई आग्रह गर्नुभयो । भंगहा नगरपालिका अन्तरगतका विद्यालयहरुका सिकाई क्षति भएका विद्यार्थीहरुका लागि सेन्टरले गर्न लागेको पहलको उहाँले प्रशंसा गर्नुभयो ।